E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Arrestimi i Artur Rrapajt/ Artan Hoxha: Presidenti i Ekuadorit akuzohet për lidhje me mafian shqiptare

17 Shkurt 2023, 10:25, Kronika CNA

Arrestimi i Artur Rrapajt/ Artan Hoxha: Presidenti i Ekuadorit akuzohet për

Gazetari investigativ, Artan Hoxha, ka folur lidhur me bandat shqiptare në Ekuador, dhe për kapjen e Artur Rrapajt në vilën e një nga narkotrafikantët më të kërkuar në SHBA, i njohur ndryshe si “Gato”.

Hoxha tha se Rrapaj nuk është një aktor i rëndësishëm i narkotrafikut shqiptar, pasi ka ka personazhe me ndikim shumë më të madh se ai që operojnë në atje, duke shtuar se presidenti Ekuadorit akuzohet se është korruptuar dhe është i lidhur me mafian shqiptare. Hoxha thekson se mediat e akuzojnë presidentin e vendit, që është i djathtë, që banon në një lagje luksoze ku janë dhe shqiptarët.

Gazetari theksoi se arrestimi i Rrapajt nuk i ka shkaktuar ndonjë dëm të madh rrjetit kriminal, pasi ai nuk ishte ndonjë eksponent i rëndësishëm.

Një tjetër detaj që gazetari zbuloi, ishte se gjatë kontrollit në vilën e “Gatos”, u gjendën edhe 330 mijë dollarë.

"Javën e fundit dhe gjatë ditëve të para të kësaj jave ka pasur disa ngjarje të rëndësishme në Ekuador. Çuditërisht në të dyja ngjarjet, njëra ka të bëjë me arrestimin e një prej njerëzve më të kërkuar në rang botëror, i njohur me nofkën 'Gato'. Ka qenë nga njerëzit më të kërkuar në botë. Mbahet si një nga furnitorët kryesorë të karteleve të Sinaloas me kokainë. Autoritetet kolumbiane bashkëpunuan dhe në momentin që arrestohet 'Gato', autoritetet Ekuadoriane, të liruara nga presioni i kartelit, kanë bërë një operacion dhe kanë kontrolluar të gjitha vilat, banesat dhe bizneset e tij. Gjatë kontrollit, në një nga vilat në Guayaquil, në zonat më luksoze, gjendet Artur Rrapaj. Me sa mbaj mend unë, ky Rrapaj rrinte në një nga vilat e 'Gatos', sepse kishte paprekshmëri.

Gjatë kontrollit në banesë, nuk ishte një nga njerëzit në krye të narkotrafikut shqiptar atje. Është fakt, që gjatë kontrollit që është bërë në vilën e Gatos, janë gjetur edhe 330 mijë dollarë.

Episodi i dytë që ka të bëjë me shqiptarët, është fakti që sapo ka shpërthyer një skandal. Mediat e akuzojnë presidentin e vendit, që është i djathtë, që banon në një lagje luksoze ku janë dhe shqiptarët. Ai dhe rrethi i tij, akuzohen që janë korruptuar nga mafia shqiptare dhe janë ndihmuar nga mafia shqiptare, që ka bërë trafik narkotikësh dhe ka krijuar biznese të ligjshme për të mbuluar paratë.

Dritan Gjika, i njohur si biznesmen, ka qenë një nga pionerët e tregtisë shqiptare të bananeve. Sigurisht në disa raste të kompanive shqiptare në Shqipëri janë kapur me kokainë. Ai akuzohet për ezasion fiskal, se nuk ka deklaruar të ardhurat, ka 13 kompani me njerëz të afërt të presidentit. Artur Rrapaj nuk është eksponent i rëndësishëm. Rrapaj, në atë që njohim ne këtu dhe çfarë pashë atje, nuk ishte një personazh i nivelit të lartë. Nuk i ka dhënë goditje narkotrafikut shqiptar. Nuk ka pësuar ndonjë dëm të madh. Ata që janë atje, kur i ekspozohet emri nuk kanë të mira. Lajmi për Presidentin sigurisht nuk është lajm i mirë për ta.

Organizatat e mëdha shqiptare, që kanë vajtur në vendburim, për të maksimizuar fitimin dhe për të kontrolluar linjat e trafikut. Ekuadori është vend origjine. Në bazë të fuqisë, lidhjeve, mund të nisësh ngarkesa në Europë, Afrikë, Australi. Ngarkesa më e madhe e kapur ka qenë 7.5 ton", u shpreh Artan Hoxha.