E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Nxirnin pllaka guri dekorative në malin e Tomorit/ Procedohen shoferi i kamionit dhe 2 administratorë

15 Shkurt 2023, 19:28, Kronika CNA

Nxirnin pllaka guri dekorative në malin e Tomorit/ Procedohen shoferi i

Procedohet penalisht shoferi i kamionit dhe 2 administratorë subjektesh, të cilët dyshohen se kanë nxjerrë pllaka guri dekorative, në zonën e mbrojtur të malit të Tomorit.

Këta persona u denoncuan mbrëmjen e djeshme, në emisionin investigativ "Fiks Fare".

Konkretisht nisi procedimi në gjendje të lirë për drejtuesin e automjetit, shtetasin A. Y., 36 vjeç, banues në Berat, për veprën penale "Dëmtimi i habitateve në zonat e mbrojtura".

Gjithashtu, u referuan materialet në Prokurori 2 administratorë subjektesh:

D. L., 29 vjeç, banues në Bogovë, Skrapar dhe M. L., 39 vjeç, banues në Poliçan, pasi gjatë kontrollit të ushtruar nga shërbimet e Policisë, në subjektet e tyre, me aktivitet grumbullimin, përpunimin dhe tregtimin e gurëve dekorativë, u gjetën pllaka guri dekorative, pa dokumentacionin përkatës, të cilat dyshohet se janë nxjerrë në zonën e mbrojtur të malit të Tomorit. Gjithashtu, u konstatua një punonjës i pasiguruar.

Ata akuzohen për veprat penale "Fshehja e të ardhurave", "Mospagimi i taksave dhe tatimeve” dhe "Punësimi i paligjshëm".

Shërbimet e Policisë po zhvillojnë hetime dhe po kontrollojnë 3 mjete ekskavatorë, të cilët u konstatuan në afërsi të disa karierave të përpunimit të gurit, në këtë zonë. Këto mjete, në vitin 2020, janë bllokuar nga Policia dhe janë lënë në malin e Tomorit, pasi ishin me defekt.

Policia e Beratit është e angazhuar për të trajtuar me profesionalizëm, paanshmëri dhe në kohë, çdo denoncim që vjen nga gazetarët apo qytetarët, me qëllim rritjen e sigurisë publike dhe luftën ndaj paligjshmërive në çdo formë të shfaqjes së tyre.

Policia e Shtetit do të vijojë kontrollet për parandalimin dhe goditjen e krimeve mjedisore dhe në kuadër kërkon bashkëpunimin e qytetarëve që të denoncojnë çdo rast të paligjshmërisë në Komisariatin Dixhital apo në numrin pa pagesë 112, duke iu siguruar anonimatin dhe reagim të paanshëm./ CNA.al