web counter
LEXO PA REKLAMA!

SHKARKO APP

App Store
Google Play

E fundit!

x

Ndarja nga jeta e ish-policit/ Balla dhe Rrumbullaku homazhe për Hyskën, paralajmërimi i ministrit

30 Gusht 2023, 17:36, Aktualitet CNA

Ndarja nga jeta e ish-policit/ Balla dhe Rrumbullaku homazhe për

Naim Hyska, ish-oficeri i policisë, i cili u plagos me plumb në kokë në 24 dhjetor të 2011-ës, ka ndërruar jetë ditën e djeshme në moshën 57-vjeçare.

Këtë të mërkurë janë mbajtur homazhet për humbjen e parakohshme të Hyskës, ku kanë marrë pjesë edhe ministri i Brendshëm, Taulant Balla dhe drejtori i përgjithshëm i Policisë së Shtetit, Muhamet Rrumbullaku.

Balla ka publikuar në rrjetet sociale pamje nga homazhet, ndërsa thekson se është e papranuehsme që nuk është ndëshkuar autori apo autorët e atentatit të 2011-ës.

Ai paralajmëron se nuk do të lejojë që dosja e Hyskës apo e ngjarjeve të tjera kriminale ndaj punonjësve të policisë të lihen në harresë.

“Lamtumirë ish-oficerit të Policisë Rrugore Tiranë Naim Hyska, i cili mbeti i plagosur rëndë më 24 Dhjetor 2011 dhe prej atij momenti luftoi me vdekjen, ndërsa të gjithë shpresonim të rikthehej përsëri mes familjes dhe Policisë së Shtetit. Por fatkeqësisht nuk ia arriti dot. Oficeri i Sallës Operative të Policisë së Qarkullimit Rrugor Tiranë u qëllua për shkak të detyrës në mbrëmjen e Krishtlindjes 2011, kur ndodhej në makinë bashkë me djalin 12 vjeç fare pranë kryqëzimit të “21 Dhjetorit”. Është e papranueshme që edhe pse kanë kaluar pothuajse 12 vjet ende Policia e Shtetit dhe Prokuroria nuk kanë vendosur para drejtësisë autorin/autorët e kësaj ngjarje të rëndë. Policia i ka shërbyer dhe i shërben me devotshmëri atdheut dhe qytetarëve, përplaset çdo ditë me kriminelë e keqbërës. Por nuk mund të pranoj dot që dosje si kjo e vrasjes së një punonjësi policie nga keqbërësit apo dosje të tjera të rënda t’i mbulojë pluhuri i harresës. Këtë nuk do ta lejoj!”, thekson ministri i Brendshëm./ CNA





Lajmet e fundit nga