E fundit!

14:34 Aktualitet

Edmond Spaho: Edi Rama nuk duhet të japë dorëheqjen

Ish-nënkryetari dhe ish-deputeti i Partisë Demokratike, Ed...

Ndahet nga jeta ish-zëvendësministri i Arsimit/ Reagon Berisha

30 Gusht 2023, 10:29, Aktualitet CNA

Është ndarë nga jeta Edmir Kapidani, mbështetës i hershëm i PD-së, që ka mbajtur dhe poste të ndryshme në administratë.

Kapidani ka qenë drejtuesi i Degës së Durrësit për tri mandate, vitet 1992-1994, 1998-2001, 2001-2004.

Po ashtu ka qenë anëtar i Këshillit Bashkiak Durrës në zgjedhjet e para të vitit 1992, zv.ministër i Arsimit dhe poste të tjera në administratë.

Për vdekjen e Kapidanit ka reaguar edhe ish-kryeministri Sali Berisha.

Përmes një postimi në rrjetet sociale, Berisha shprehet se Edmir Kapidani ishte njëri nga veprimtarët më të shquar të Partisë Demokratike të Degës Durrës si dhe ishte një politikan me vlera e me një kontribut të spikatur në fushat ku punoi.

Berisha shpreh ngushëllimet e tij kundrejt familjes së të ndjerit dhe thekson se do të kujtohet ndër breza në PD.

“Edmir Kapidani mbyll sytë përgjithmonë.

Të dashur miq, Edmir Kapidani njëri nga veprimtarët më të shquar të Partisë Demokratike të Degës Durrës, ish kryetari i saj në tre mandate edhe në periudhat më të vëshira të saj, anëtar i forumeve qëndrore të kësaj partie, ish zëvendësministër i arsimit në qeverinë e Partisë Demokratike mbylli sytë përgjithmonë. Edmir Kapidani ishte një politikan i urtë dhe i vendosur, drejtues i aftë, punëtor, i përkushtuar, me një kontribut të spikatur në fushat ku punoi. Ai ishte një qytetar, prind dhe familjar shembullor dhe mik i dashur për të gjithë ata që patën fatin të gëzojnë miqësinë e tij.

Duke shprehur mirënjohjen më të thellë për bashkëpunimin e ngushtë që kemi patur, ndihmesën e tij të çmuar, shpreh ngushëllimet e mia familjes së tij të nderuar, miqve të afërmve dhe të gjithë demokratëve të Durrësit për ndarjen nga jeta të Edmir Kapidanit që do ta kujtojmë me nderim të veçantë gjithmonë. Unë lutem së bashku me ta, që shpirti i tij i mirë të gjejë paqen e merituar. Amin. #sb”-shkruan Berisha./CNA