E fundit!

09:53 Aktualitet

Denoncimi: Qytetarët në radhë në Poliklinikën e Lushnjes

Deputeti i PD-së Saimir Korreshi ka denoncuar një tjetër p...

Fredi Beleri reagon nga burgu/ Paralajmërimi për Ramën

29 Gusht 2023, 15:41, Aktualitet CNA

Fredi Beleri ka reaguar nga burgu pas intervistës së dhënë nga kryeministri Edi Rama për gazetën greke ‘Kathimerini’.

Ai thotë se dalja e Ramës katër herë për rastin e tij (Belerit) në 12 ditët e fundit çon në tri përfundime kryesore që janë, filloi të kuptojë, pasi Athina e detyroi të mungonte në foton e madhe të liderëve të Ballkanit Perëndimor, vendosi të tregojë pendesë për sulmin publik shpifës dhe abuziv si dhe vazhdon të shtrembërojë realitetin dhe të gënjejë.

Beleri bëri me dije se më datë 3 shtator ‘Kathimerini’ do të publikojë një shkrim të tij me rastin e intervistës së Edi Ramës.

“Nesër të rëndësishmet zoti Rama”, shkruan Beleri.

Postimi i plotë:

"Fredi Beleri, duke komentuar intervistën e kryeministrit shqiptar Edi Rama për gazetën KATHIMERINI, ka bërë deklaratën e mëposhtme:

“Intervista e vetëkërkuar e kryeministrit Edi Rama për KATHIMERINI, dalja e katërt publike e tij për rastin tim në 12 ditët e fundit, kur ndërkohë ai mbajti një heshtje peshku për 90 ditë rresht që nga arrestimi im, më çon në tre përfundime kryesore:

Së pari, filloi të kuptojë, pasi Athina e detyroi të mungonte në foton e madhe të liderëve të Ballkanit Perëndimor, pasojat e veprimeve të tij në procesin e anëtarësimit por edhe pozicionin ndërkombëtar të Shqipërisë në përgjithësi. Asnjëherë nuk është vonë.

Së dyti, vendosi të tregojë pendesë për sulmin publik shpifës dhe abuziv ndaj meje para zgjedhjeve por duke e bërë këtë artificialisht dhe me kujdes për të shkëputur përndjekjen time nga sulmi i tij dhe për të treguar se është lider autocensurues. Shpresoj që në një të ardhme të afërt të gjejë staturën politike për të bërë mea culpa, por ta nënkuptojë dhe ta vërtetojë në praktikë.

Së treti, ai vazhdon të shtrembërojë realitetin dhe të gënjejë. Shpresoj që ai të ketë rënë viktimë e dezinformimit dhe ta kuptojë herët, përpara se pasojat për Shqipërinë, Bashkinë e Himarës dhe mua personalisht të bëhen të pakthyeshme.

Kërkova nga redaksia e KATHIMERINI që të dielën e ardhshme, më 3 shtator, të pranojë një shkrim timin me rastin e intervistës së Edi Ramës. Nesër të rëndësishmet zoti Rama”.