web counter
LEXO PA REKLAMA!

SHKARKO APP

App Store
Google Play

E fundit!

x

Priten përmbytje, reshje intensive dhe vërshime të lumenjve/ Ministria e Mbrojtjes, thirrje bashkive

29 Gusht 2023, 07:29, Aktualitet CNA

Priten përmbytje, reshje intensive dhe vërshime të lumenjve/

Ministria e Mbrojtjes, pasi është bazuar tek informacioni i marrë nga ekspertët e Institutit të Gjeoshkencave, ku thuhet se gjatë ditës së sotme priten reshje me intensitet të lartë dhe mund të paraqiten probleme me përmbytjet apo vërshimet e shpejta të lumenjve, u ka bërë thirrje të gjitha bashkive që të marrin masa për t'u paraprirë përmbytjeve apo rrëshqitjeve të dherave.

Sipas njoftimit pritet që në qarqet Shkodër, Lezhë, Durrës, Tiranë, Fier dhe Vlorë të ketë reshje me intensitet të lartë.

Në qarqet e sipërpërmenduara, mund të ketë vërshime të shpejta të lumenjve të vegjël malorë dhe rrëshqitje të dherave.

Në zonat urbane, në këto qarqe mund të shfaqen probleme me përmbytje të lokalizuara, në varësi të gjendjes së kanalizimeve.

“Bazuar në informacionin e marrë nga ekspertët e Institutit të Gjeoshkencave, duke filluar prej orëve të para të së martës, në vendin tonë priten reshje me intensitet të lartë në qarqet Shkodër, Lezhë, Durrës, Tiranë, Fier dhe Vlorë.

Reshje mesatare priten në shumicën e qarqeve të tjera të vendit duke u shoqëruar edhe me shtrëngata. Në qarqet e sipërpërmenduara, mund të ketë vërshime të shpejta të lumenjve të vegjël malorë dhe rrëshqitje të dherave.

Në zonat urbane, në këto qarqe mund të shfaqen probleme me përmbytje të lokalizuara, në varësi të gjendjes së kanalizimeve.

Ministria e Mbrojtjes dhe Agjencia e Mbrojtjes Civile janë në gatishmëri të plotë për çdo rast emergjence, ndaj ju bëjmë thirrje të gjitha bashkive të marrin sa më parë masat e nevojshme për t’u paraprirë përmbytjeve apo rrëshqitjeve të dherave.

Do të jemi në vëzhgim për të gjitha situatat që mund të ndodhin, duke garantuar sigurinë e qytetarëve tanë”, njofton Ministria e Mbrojtjes./ CNA





Lajmet e fundit nga