LEXO PA REKLAMA!

SHKARKO APP

Çfarë po ndodh në Kadastër? Rama: Po zhbëhet rrjeti i sekserëve, buburrecave e minjve

28 Gusht 2023, 13:44, Aktualitet CNA

Çfarë po ndodh në Kadastër? Rama: Po zhbëhet rrjeti i

Kryeministri Edi Rama, sërish me dorë të hekurt ndaj punonjësve të Kadastrës.

Ai thotë se po zhbëhet përditë rrjeti i sekserëve, influencave të llojllojshme, buburrecave e minjve brenda këtij institucioni.

"Ndërkohë që po, e vërtetë, s’funksionon më sistemi i vjetër, zhbëhet përditë rrjeti i sekserëve, influencave të llojllojshme, buburrecave e minjve brenda Kadastrës, të cilët vazhdojnë të dorëhiqen prej tharjes së burimeve të pista, vazhdon papushim puna për përmirësimin dhe rritjen e eficiencës së sistemit të ri, i cili ka ende problemet e veta, por edhe kështu siç është ka dhënë dy prova të mëdha, si një sistem ARMIQËSOR ME KORRUPSIONIN dhe MIQËSOR ME QYTETARIN."

Në një postim në rrjetet sociale Rama ka publikuar foto nga sistemi i ri i Kadastrës dhe thotë se është tregues i fluksit të punës së sistemit digjital.

"Dhe thonë e thonë s’funksionon sistemi i ri i Kadastrës… Kjo është vetëm një fotografi e fluksit të punës së sistemit digjital, ku mund të shihen qartë datat hyrëse e dalëse të aplikimeve, pa sportel, pa kontakt fizik me punonjësit, pa mundësi ndërhyrjeje nga lart-poshtë,-anash për të marrë e dhënë favore, pa shans për rryshfet sepse sistemi nuk ha mik dhe pa të gjitha sekëllditë e tmerret e së kaluarës në marrjen e shërbimit".

Edhe pak ditë më para Rama paralajmëroi se do të ketë dorëheqje në Kadastër. Ndërsa opozita ka denoncuar për vjedhje në këtë institucion dhe për mosfunksionim të sistemit./ CNA

Lajmet e fundit nga