LEXO PA REKLAMA!

SHKARKO APP

Macroni paralajmëron masa ndaj Kosovës e Serbisë nëse nuk “sillen me përgjegjësi”

28 Gusht 2023, 13:10, Aktualitet CNA
Macroni paralajmëron masa ndaj Kosovës e Serbisë nëse nuk
Emmanuel Macron

Presidenti i Francës, Emmanuel Macron, ka paralajmëruar masa ndaj Kosovës e Serbisë nëse ato “nuk sillen me përgjegjësi”.

Macron në fjalimin e tij të përvjetmë para ambasadorëve, ka thënë se mendon që marrëveshja e Brukselit që njihet si propozimi franko-gjerman është rruga e duhur dhe se duhet angazhim i palëve.

Ai ka bërë thirrje që palët të riangazhohen edhe për organizim të zgjedhjeve të reja në katër komunat në veri të Kosovës, serbët të kthehen në institucione të Kosovës e po ashtu ka përmendur edhe formimin e Asociacionit. Ai ka thënë se nga autoritetet e Kosovës presin që “paqja të kthehet” në këtë pjesë.

“Franca e Gjermania kanë bërë zotime sa u përket politikave të vizave dhe çështje të tjera ekonomike, nëse palët dështojnë të sillen me përgjegjësi. Duhet të jemi vigjilentë veçanërisht në këtë aspekt, veçanërisht kur bëhet fjala për stabilitetin në Ballkanin Perëndimor”, tha Macron./ CNA

Lajmet e fundit nga