web counter
LEXO PA REKLAMA!

SHKARKO APP

App Store
Google Play

Korrupsioni në Kadastër/ Nën hetim dhjetra zyrtarë dhe ish zyrtarë

16 Mars 2022, 12:31, Aktualitet CNA

Ministri i Drejtësisë, Ulsi Manja ka denoncuar dy raste të legalizimeve të paligjshme në vend, një në Pogradec dhe tjetri në Sarandë.

Në Pogradec janë hetuar 15 zyrtarë dhe ish zyrtarë pasi kanë lejuar legalizimin e një objekti brenda ambienteve të një shkolle.

Ndërsa në Sarandë, në zonën Turizëm kanali i Cukës janë legalizuar pa leje dy objekte 70-81 metra katrorë në një kohë që IKMT kishte kërkuar shembjen e tyre.

Manja bën me dije se për këtë është kallëzuar penalisht ish drejtori i Kadastrës në Sarandë dhe disa specialistë .

Gjithashtu Manja ka deklaruar se 75 persona të tjerë janë nën procedim disiplinor.

?Në Pogradec  15 zyrtarë e ish zyrtar kanë regjistruar një objekt brenda shkollës 9-vjeçare Memlisht  në kundërshtim me ligjin. Rasti i dytë ka të bëjë me disa legalizime në 2019 e në vazhdim në kadastrën e Sarandës. Njësia ka nisur verifikimet ku zbuloi se legalizim në kundërshtim me ligjin i dy objekteve 70 dhe 81 metër katror në këtë zonë Turizëm-kanali i Cukës dhe në dokumentacionin e  tyre nuk është shënuar as koha as viti i ndërtimit, por në dosjen është administruar dhe një shkresë zyrtare e IKMT që kërkonte prishjen e këtyre objekteve. Në momentin e legalizimit ka pasur kërkesë për prishjen e tyre, jo që nuk u prishën por është përmbyllur i gjithë legalizimi tyre. Janë kallëzuar ish zyrtarë dhe zyrtarë të kadastrës Sarandë, nga ish drejtori deri te specialistët përkatëse?, tha Manja./CNA.al





Lajmet e fundit nga