LEXO PA REKLAMA!

SHKARKO APP

Zjarr në Parkun Kombëtar të Lurës/ Efektivët dhe helikopteri Cougar, në “luftë” me flakët

29 Gusht 2023, 19:29, Aktualitet CNA
Zjarr në Parkun Kombëtar të Lurës/ Efektivët dhe
Zjarri në Parkun Kombëtar të Lurës

Në Parkun Kombëtar të Lurës është aktive një vatër zjarri, e cila vijon të përhapet me shpejtësi për shkak të erës.

Ministri i Mbrojtjes, Nikop Peleshi njofton se për të vënën nën kontroll flakët janë dërguar efektivët e Forcës Ajrore dhe helikopteri Cougar.

Peleshi bën me dije se situata është serioze, por deri më tani nuk ka rrezik për banesat.

Megjithatë, ministri deklaron se puna po vazhdon me intensitet për neutralizimin e plotë të flakëve.

“Efektivët e Forcës Ajrore dhe helikopteri Cougar janë nisur menjëherë për në Parkun Kombëtar të Lurës, pas kërkesës së autoriteteve vendore të Dibrës për vënien në kontroll të flakëve në këtë zonë. Situata është serioze për shkak të terrenit të vështirë dhe erës e cila ka favorizuar përhapjen e flakëve. Deri në këtë moment nuk ka rrezik për banesat, ndërkohë po punohet me intensitet për neutralizimin e plotë.

Gatishmëri maksimale për të mbrojtur një pasuri kombëtare si parku i Lurës!”, thekson Peleshi krahas pamjeve të aksionit në Parkun Kombëtar të Lurës./ CNA

Lajmet e fundit nga