web counter
LEXO PA REKLAMA!

SHKARKO APP

App Store
Google Play

E fundit!

x

Zogu godet motorin e avionit, bën ulje të detyruar/ Udhëtarët në panik

29 Gusht 2023, 16:48, Aktualitet CNA

Zogu godet motorin e avionit, bën ulje të detyruar/

Robert Papa, gazetari nga Shqipëria që jeton e punon në SHBA ka ndarë historinë e tij të udhëtimit nga Vjena në Nju Jorku. Një histori plot emocion, ankth, pasiguri, një eksperiencë që ai e quan testtunduese.

Ai tregon se pikërisht ky udhëtim mund të kishte qenë dita e fundit e jetës.

“Çdo ditë mund të jetë dita e fundit! Një qëndresë në Vjenë, mund të kishte qenë dita e fundit e jetës! Nuk e mendojmë kurrë, se çdo ditë, mund të jetë e fundit ditë.”

Avioni në të cilin ai po udhëtonte për një moment shfaq një zhurmë pak si tym dhe erë benzine. Dhe pikërisht në atë moment dëgjon një zë i cili thotë se një zog ka goditur motorin.

“Kur avioni u ngrit nga Vjena për kah Nju Jorku, dëgjuam një zhurmë të fortë. Pas pak si tym dhe erë benzine. Nga krahu tjetër kanë parë flakë te motori. Piloti pas 12 min në ajër, foli i qetë: Do të bëjmë ulje të detyruar se një zog goditi motorin. Nuk e fsheh, 2 minutat e para jam trembur, por pastaj për rreth 35 minuta avioni endej mbi Austri. It is ëhat it is. E çuditshme. Truri bllokohet dhe ndien një paqe pa fund me veten. Si në një film të vijnë para syve të mendjes, familja shokët, Tirana jote. Ndërsa piloti thotë se si të vendosni kokën mes këmbëve në ulje, ti e di pse bëhet kjo dhe nuk do ta besosh. Në atë çast, habitshëm, ke kohë edhe për një batutë humori.”

Në këtë moment tensioni e pasigurie nuk kanë munguar as shakatë. Papa tregon se avioni u ul dhe shpëtuan.

“Në krah kam një studente, shqiptare nga Kosova. E qetë, por ia shikon në sy frikën. Dhe i them duke qeshur: në avion ka më shume serbë se shqiptarë... Nga avioni shikojmë zjarrfikëset që rendin drejt nesh... Pas një uljeje të ashpër dhe mezi frenuese, mendon veçse se ka Zot dhe Zoti është i madh. Ka një arsye për gjithcka. Zoti na provon. Flm zot! Ato çaste, mbase edhe me zë kam thënë: Të lutem Zot, nuk i kam bërë kujt keq! Shpëtuam! Nuk mbaruaka këtu.”

Ai tregon se pasi ndodhi kjo i shpërndanë nëpër linja të tjera.

“Mua më ra nga Varshava. Ndërsa autobusi ndalon ndanë Boingut.”, tregon Robert Papa.

Të papriturat mesa duket nuk paskan fund. Një e papritur tjetër ndodhi.

“E papritura tjetër. Për 10 minuta nuk na hapin dyert: Shikojmë se një teknik ka hapur motorin dhe heq e i ve ca dado që i shtrëngon. .. Ëhy me? Prapë një ankth... “

Pas shumë peripecive ai arriti më në fund në destinacion.

“Më në fund kemi mbërritur në Nju Jork, që në fakt është Tirona ime... Një eksperiencë testtunduese. Miq, çdo ditë mund të jetë dita jonë e fundit! Por çastet e fundit, truri prodhon morfinën e tij, siç thonë doktorët... Zoti është i Madh.Thnx God!”/ CNA





Lajmet e fundit nga