web counter
LEXO PA REKLAMA!

SHKARKO APP

App Store
Google Play

E fundit!

x

Ku je Leka Bungo, ku je?

29 Gusht 2023, 18:53, Aktualitet CNA
Ku je Leka Bungo, ku je?
Leka Bungo

Ka plasur në RTSH thonë, çfarë nuk po ndodh. Alfred Peza po bën namin, ndërkohë nuk ka as mbledhje, nuk ka as bord, është “zhdukur” i madhi Leka Bungo.

Ne e kemi pasur shumë xhan dhe i kemi kërkuar që të flasë, i kemi kërkuar që të shprehet se foli për Enkelejd Jotin, foli dhe për Thoma Gëllçin, por për Alfred Pezën që në emër të reformës ka bërë lëmsh RTSH-në, ka hequr profesionistët, e ka mbushur me njerëzit e webit të tij dhe çfarëlloj njerëzish nuk po hyjnë e po dalin në RTSH.

Janë revoltuar regjisorë, gazetarë, kameramanë, redaktorë kanë ikur, drejtorë, në emër të reformës nuk është lënë lloj lloj dallkauku dhe i paafti pa u marrë në RTSH dhe Leka Bungo hesht?

Kush ia ka mbyllur gojën Leka Bungos?

Mos vallë ndonjë nga çunat e tij të adoptuar ia ka hequr fjalët?

Pse nuk po flet Leka Bungo?

Është shkrimi i dytë që i bëjmë, pavarësisht se ai na ka inat e sërish mund të dalë të shajë dhe të thotë ç’të dojë, por të dalë të paktën të flasë për RTSH-në.

Është ngritur televizioni në këmbë dhe Leka Bungo hesht.

Nuk flet më, e ka dërguar në cep Alfred Peza, nuk i hap as telefonin, thonë. Ka ndaluar zyrtarët e RTSH-së t’i flasin me gojë Leka Bungos e jo më t’i kthejnë përgjigje me shkresa siç i kërkonte dikur.

Çfarë ka ndodhur me ty Lekë?

Ku je Leka Bungo, ku je?

Ku je se të kërkon RTSH-ja?

Të kërkon e vërteta zoti Bungo, të kërkon lufta kundër korrupsionit në RTSH, kundër emërimeve të padrejta, të kërkon beteja me stafin e televizionit, të cilin e mbroje dhe e doje aq shumë, që tani e ke lënë në rrugë, e shumica po të ikin siç thamë më lart, gjoja në emër të reformës, heqim profesionistët dhe marrim punonjësit që njohim.

Prandaj, dil e fol o Leka Bungo! Dil e fol se na mori malli!





Lajmet e fundit nga