web counter
LEXO PA REKLAMA!

SHKARKO APP

App Store
Google Play

E fundit!

x

Iniciativa e re e Gjergj Lucës, demonstratë kundër shpifjeve/ Në shtator, marshimi i së vërtetës

29 Gusht 2023, 17:42, Aktualitet CNA
Iniciativa e re e Gjergj Lucës, demonstratë kundër shpifjeve/
Sipërmarrësi dhe biznesmeni, Gjergj Luca

Sipërmarrësi dhe biznesmeni, Gjergj Luca ka ndërmarrë një tjetër iniciativë, që fillon nga puna për përmirësimin e jetës së qytetarëve deri te demonstrata kundër shpifjeve dhe dezinformimeve.

Luca ka publikuar një video ku tregon punën e tij të radhës. Sipërmarrësi, në bashkëpunim me banorët, me bizneset private dhe me bashkinë e Elbasanit, kanë filluar ndërtimin e rrugës dhe të ujësjellësit në fshatin Godolesh.

“Jemi në fshatin Katund Godolesh me burrat e fshatit dhe miqtë e ujësjellësit të bashkisë. Kemi vendosur ta nisim nga ky fshat që pas 32 vjetëve sezonin e ri, për herë të parë fitoi më në fund demokracia, fitoi puna dhe e vërteta.

Problemet më të mëdhaja të këtij katundi kanë qenë rrugët, që ne pas një eksperience që patëm me Polisin, ramë dakord me këta zotërinjtë këtu për të filluar fshatçe edhe rrugën e Godoleshit. Të gjithë rrugën dhe pjesën më problematike të rrugës i kemi bërë që të gjithë bashkë dhe kemi një eksperiencë të mrekullueshme që doli edhe katundi tjetër dhe punojmë me këta burra ditë-natë kemi punuar për të bërë rrugën që ishte problem më i madh për këtë zonë.

Tani ne kemi filluar bashkarisht një investim që është shumë i rëndësishëm për katundin, kemi filluar ujësjellësin dhe e kemi filluar në një partneritet këtë radhë jo vetëm mes privatit dhe fshatarëve, por na është bashkuar edhe bashkia. Për herë të parë bashkia, ai djali i ri që përfaqëson bashkinë e ka kuptuar që çelësi i suksesit është partneriteti publik privat”, u shpreh ai.

Gjithashtu, Luca bëri edhe një thirrje për biznesmenët shqiptarë që të krijojnë partneritete të tilla në zonat e tyre për të bërë më të lehtë jetën e banorëve të fshatrave.

“Unë kam një thirrje për biznesin që punon në të katër anët e Shqipërisë. Mundohuni bëjini këto partneritete midis katundarëve të zonave dhe midis publikut, që në këtë rast është bashkia, për të bërë më të mirën për katundet tuaja dhe këta bashkarisht kanë rënë dakord që duhet vënë aparati matës që t’i shkojë uji që të gjithëve nëpër shtëpi”, deklaroi ai.

Më tej, sipërmarrësi bëri edhe një kërkesë për ministren e Bujqësisë, Frida Krifca.

“Tani ne kemi edhe një kërkesë tjetër për ministren e Bujqësisë, megjithëse një çerek fjale na e ka dhënë ata me thënë të drejtën, ngaqë ky vend është vendi më i mrekullueshëm për ullirin dhe është vendi më punëtor i këtyre njerëzve që janë më punëtorët që mund të ekzistojnë në Shqipëri dhe bëjnë edhe qershitë më të mira.

I jemi lutur të na bëjë një frigorifer të madh me fondet e AZHBR-së se e kanë mundësinë, se për këto tjerat kemi ndihmuar ne dhe të kemi mundësinë të bëjmë një fabrikë vaji se vaji si në Godolesh nuk bëhet në asnjë vend tjetër”, vijoi ai.

Më tej, Luca paralajmëroi se nga shtatori do të nisë marshimi i së vërtetës, një demonstratë qytetare kundër shpifjeve, gënjeshtrave dhe keqinformimit.

“Nuk mund të rri dot pa folur për lëvizjen e re tonën. Mendoj se brenda shtatorit ne do të fillojmë marshimin e së vërtetës, do të merremi me shpifjen në këtë vend, do të merremi me tallavanë në këtë vend, që nxin çdo gjë, që nuk thotë të vërtetën që del nga puna, atë të vërtetë që do ta dërgojë përpara këtë vend, kështu që në shtator miqtë e mi do t’i lutem të gjithë Shqipërisë të bëjmë një demonstrim qytetar që nuk ka lidhje me partitë, ku të jenë brenda të majtë, të djathtë, të jenë që të gjithë për t’i kërkuar opinionit publik që stop shpifjeve, stop gënjeshtrave, stop tallavasë, stop keqinformimit se na morën në qafë fëmijët tanë duke i gënjyer”, theksoi biznesmeni./ CNA

 




Lajmet e fundit nga