web counter
LEXO PA REKLAMA!

SHKARKO APP

App Store
Google Play

E fundit!

x

Goditjet e forta të SPAK-ut/ Merren masa për sigurinë e Altin Dumanit

30 Gusht 2023, 11:19, Aktualitet CNA

Goditjet e forta të SPAK-ut/ Merren masa për sigurinë e Altin

Pas goditjeve të forta të SPAK-ut, janë marra masa për sigurinë e kreut të Prokurorisë së Posaçme, Altin Dumani. Një grup policor është vendosur pranë banesës së tij. Raportohet se prej disa ditësh ai lëviz me makinë të blinduar.

Kujtojmë se SPAK ka hedhur dritë mbi disa çështje të nxehta si inceneratorët, koncesionit të sterilizimit dhe shumë çështjeve të tjera, ku kanë rënë në pranga zyrtarë, të fortët e botës së krimit si dhe biznesmenë.

Gjatë muajit gusht, SPAK-u sekuestroi inceneratorin e Tiranës, ku nga hetimet janë zbuluar si Klodian Zoto dhe Mirel Mërtiri kontrollonin kompaninë e inceneratorit të Tiranës në Holandë si dhe janë gjetur komunikime që bëjnë fjalë për likuidimin e pagesave në lidhje me shërbimet që shoqëria "Residence Corporate Service" ka ofruar për shoqërinë holandeze “Integrated Energy B.V”, e cila është mëma e inceneratorit të Tiranës sot me emrin “Geogenix”.

Në dosjen e aferës së inceneratorëve, SPAK theksoi faktin se nga aktet që janë siguruar në shoqërinë që ka në pronësi shtetasi Klodian Zoto “Integrated Technology Services”, në lidhje me koncesionet, kanë rezultuar se aksionerë “de facto” të koncesionit të Tiranës janë Klodian Zoto dhe Mirel Mërtiri.

SPAK deklaronte në dosje se kompania "ITS" e Klodian Zotos ka bërë fatura fiktive për kompaninë ne incerneratorit të Tiranës, ku sërish pronarë “de facto” janë Klodian Zoto dhe Mirel Mërtiri, të cilët nuk janë mjaftuar vetëm me kaq, por kanë bërë fatura false.

Më pas u sekuestrua pasuria 1 milion euro e Mërtirit dhe Zotos, e ndodhur në qytetin e Durrësit e përfituar nëpërmjet mashtrimeve me inceneratorin e Tiranës.

Koncesioni i sterilizimit

SPAK kreu hetime mbi koncesionin 100 milionë euro të sterilizimit ku u arrestuan 8 zyrtarë, mes tyre ish-zëvendësministri i Shëndetësisë, Klodian Rrjepaj, biznesmeni, pronar i koncesionit, Ilir Rrapaj.

Ndërkohë Gjykata kërkoi dhe hetim të ish-ministrit Ilir Beqaj dhe Shkëlqim Canit, firma e të cilëve ndodhet në dokumentet e koncesionit të sterilizimit.

Vendimi i SPAK-ut u bë publik në mesin e muajit gusht, i cili ka qenë i "nxehtë" për shumë zyrtarë dhe biznesmenë.

Operacioni "Metamorfoza"

"Metamorfoza" ishte një tjetër megaoperacion nga SPAK-u. Në rrjetë ranë zyrtarë të policisë, drejtësisë si dhe biznesmenë.

Në pranga u vu ish-shefi i Operacionales, Oltion Bistri, mbi të cilin rëndojnë akuzat si i dyshuar për veprat penale “Shpërdorimi i detyrës” dhe “Zbulimi i akteve ose të dhënave sekrete”.

Gjithashtu u arrestua Prokuroi Xhevahir Lita mbi të cilin rëndojnë akuzat “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”, kryer dy herë dhe “Grup i strukturuar kriminal”.

Mes të arrestuarve është edhe emri i biznesmenit të njohur Pëllumb Gjoka, mbi të cilin rëndojnë akuzat “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”, kryer dy herë dhe “Grup i strukturuar kriminal”.

Mbi Edmond Prekën rëndojnë akuzat “Vrasje me paramendim”, kryer në formë të veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”, “Sigurimi i kushteve dhe i mjeteve materiale për të kryer vrasje”, kryer në formë të veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Pjesëmarrja në grup të strukturuar kriminal”, “Mbajtja pa leje dhe prodhimi i armëve, armëve shpërthyese dhe municionit”, kryer në bashkëpunim në formën e grupit të strukturuar kriminal”;

Mbi Astmer Bilalin rëndojnë akuzat si i dyshuar për veprat penale “Sigurimi i kushteve dhe i mjeteve materiale për të kryer vrasje”, kryer në bashkëpunim të veçantë atë të grupit të strukturuar kriminal, “Grupi i strukturuar kriminal” dhe “Pjesëmarrja në grup të strukturuar kriminal”.

Mbi Ardrit Hasanbegajn rëndojnë akuzat “Sigurimi i kushteve dhe i mjeteve materiale për të kryer vrasje”, kryer në formë të veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Pjesëmarrja në grup të strukturuar kriminal”.

Nga ky megaoperacion janë shpallur në kërkim edhe 9 persona të tjerë./ CNA

 





Lajmet e fundit nga