web counter
LEXO PA REKLAMA!

SHKARKO APP

App Store
Google Play

SPAK do të rimarrë në pyetje ish-ministrin Beqaj

22 Gusht 2023, 08:41, Aktualitet CNA
SPAK do të rimarrë në pyetje ish-ministrin Beqaj
Ilir Beqaj

Dosja e koncesionit të sterilizimit po hetohet nga SPAK-u.

Me urdhër të këtij institucioni të drejtësisë janë lëshuar tetë urdhër-arreste lidhur me koncesionin e sterilizimit, tender me vlerë 100 milionë euro. Dy persona kanë rënë në prangat e policisë lidhur me këtë koncesion. Janë arrestuar ish-zv.ministri i Shëndetësisë, Klodian Rjepaj dhe biznesmeni Ilir Rrapaj.

SPAK do të rimarrë në pyetje ish-ministrin e Shëndetësisë, Ilir Beqaj, në lidhje me udhëtimet me biznesmenët Ilir Rrapaj dhe Umbro Staçini.

GJKKO rekomandoi SPAK-un të hetonte rreth rolit të tij.

Pas arrestimeve të bujshme ka pasur edhe një reagim nga Beqaj, i cili është shprehur se ky koncesion i është dhënë vetëm një operatori për të pasur vetëm një përgjegjës për rrezikun e infeksionit spitalor. 

Ish-ministri është shprehur se kontrata nuk përbën thjesht dhe vetëm vënie në punë të një centrali sterilizimi në QSUT, por i kërkon një operatori privat që për të gjitha sallat operatore në Shqipëri të ofrohet për çdo ndërhyrje kirurgjikale, një set instrumentesh kirurgjikale i personalizuar sipas asaj klase dhe tipi ndërhyrjeje kirurgjikale./ CNA





Lajmet e fundit nga