LEXO PA REKLAMA!

SHKARKO APP

Plagosja e policit/ Tonin Vocaj: Autori ka shenja të theksuara depresioni

20 Shtator 2023, 21:42, Kronika CNA
Plagosja e policit/ Tonin Vocaj: Autori ka shenja të theksuara depresioni
Drejtori i Policisë së Tiranës, Tonin Vocaj

Drejtori i Policisë së Tiranës, Tonin Vocaj, dha detaje për autorin e plagosjes së efektivit të repartit “Shqiponja” E. A.

Vocaj tha në një deklaratë për mediat se autori Klerent Bozhanaj mund të ketë shenja të theksuara depresioni.

Ai deklaroi se blutë kanë krijuar kontakt me familjarët e 42-vjeçarit, ndërsa theksoi edhe njëherë shumën 20 mijë euro të vendosur në dispozicion për informacione që ndihmojnë në kapjen e autorit.

Drejtori i Policisë së Tiranës tregoi se autori ka qenë emigrant në Itali dhe është kthyer në Shqipëri në muajin gusht.

Ka një dëmtim me armë zjarri. Policia dhe RENEA janë mobilizuar për kapjen e autorit i cili quhet Klerent Bozhanaj i datëlindjes 1981. Ky person është i armatosur dhe ka shenja të theksuara depresioni. Vazhdojnë veprimet e policisë.

Po komandojmë me familjarët. Policia vendos shumën 20 mijë euro për informacion të vlefshme që çon në kapjen e autorit. Ne nuk kemi shumë të dhëna për momentin. Dimë që ky person ka qenë emigrant në Itali është kthyer në gusht në Shqipëri.

Nga hetimet e deritanishme është evidentuar fakti që ka shenja depresive dhe nuk kemi të dhëna për përfshirje në aktivitet kriminale”, nënvizoi Vocaj./ CNA

Lajmet e fundit nga