web counter
LEXO PA REKLAMA!

SHKARKO APP

App Store
Google Play

Arrestimi i 42-vjeçarit Bozhanaj/ Reagon Balla, paralajmërimi i fortë

21 Shtator 2023, 20:16, Aktualitet CNA

Arrestimi i 42-vjeçarit Bozhanaj/ Reagon Balla, paralajmërimi i

Ministri i Brendshëm, Taulant Balla, ka reaguar menjëherë pas arrestimit të 42-vjeçarit Klerent Bozhanaj, autorit të plagosjes së efektivit E. A.

Balla përgëzon Policinë e Shtetit për arrestimin e autorit.

Ai paralajmëron se nuk do të tolerojë askënd që kundërshton me forcë,  fyen, kanos, godet apo i rrezikon jetën një punonjësi policie.

"Përgëzoj Policinë e Shtetit për arrestimin e autorit të plagosjes së efektivit të shqiponjave mbrëmjen e djeshme në Tiranë.

Është momenti të kujtoj se kush nuk i bindet urdhërit/thirrjes së ligjshme të policit, ose më rëndë akoma e kundërshton me forcë, guxon ta fyejë, ta agresojë, ta kanosë, ta godasë apo larg qoftë t’i rrezikojë jetën në ushtrim të detyrës apo për shkak të detyrës, duhet ta ketë të qartë që toleranca do të jetë ZERO.

Do bëj gjithçka që një politikë/praktikë e re penale të zërë vend në këtë drejtim, duke kërkuar mbështetjen e sistemit të drejtësisë. Kuadri ligjor është aty në Kodin Penal (me ndryshimet që kam mbështetur vetë në Kuvend në vitin 2019) dhe në ligjin për Policinë Shtetit", shkruan ministri në rrjetet sociale./ CNA





Lajmet e fundit nga