web counter
LEXO PA REKLAMA!

SHKARKO APP

App Store
Google Play

400 mijë euro nga "truri" i inceneratorëve për Bollinon e Blushin/ Kambana e alarmit: Po tentohen të fshihen provat

22 Shtator 2023, 12:31, Aktualitet CNA

400 mijë euro nga "truri" i inceneratorëve për Bollinon

Ish-kryeministri Sali Berisha ka ngritur sot akuza të forta gjatë konferencës së përjavshme me gazetarët duke thënë se ekzistojnë dokumente dhe e-maile që tregojnë se Mirel Mërtiri "truri" i inceneratorëve është urdhëruar që t’i japë 200 mijë euro Carlo Bollinos, 100 mijë euro Ben Blushit dhe 100 mijë euro Endri Fugës.

Berisha ka paralajmëruar se duhet të merren masa për të ruajtuar këto dokumente të rëndësishme pasi ka tentativa për të zhdukur fashikujt.

Lideri i demokratëve theksoi se ka të dhëna të tjera në dosje ku ekspozohen eksponentë kriminalë të mirëfilltë.

“Mua më janë thënë dhe përqindjet e aksioneve të Veliajt, për të mos i hyrë SPAK në punë s’po përmend detaje.

Po bëhen tentativa për të zhdukur fashikuj në dosjen e SPAK prandaj dhe në rast se aty ka hetues të ndershëm, prokurorë të ndershëm ta kyçin me tre çelësa në kasafortë këtë dokumeht që fakton pronësinë e djegësit e Tiranë.

A nuk u vodhën dosjet e krimit në kasafortë. Por përveç kësaj se çështja e fashikujve është një problem madhor. Ka të dhëna të tjera se aty ka kriminelë të mirëfilltë që zhvillojnë veprimtari kriminale nga mëngjesi në darkë në gjirin e SPAK dhe BKH.

Të merren masa këto dokumente të rëndësishëm rrëzojnë përfundimisht tezën e myshteriut”, tha Berisha./ CNA

 





Lajmet e fundit nga