web counter
LEXO PA REKLAMA!

SHKARKO APP

App Store
Google Play

Shtyrja e vendimit për Berishën/ Avokati: Prokurorët, si në bar-kafe

24 Janar 2024, 12:07, Aktualitet CNA
Shtyrja e vendimit për Berishën/ Avokati: Prokurorët, si në
Genc Gjokutaj

Një ditë para se Gjykata e Posaçme e Apelit të japë vendimin për ankimimin e masës së sigurisë, avokati i Sali Berishës, Genc Gjokutaj, hodhi akuza, ku u shpreh se shtyrja e vendimit është një shkelje e rëndë nga ana e gjyqtares, Irena Gjoka. 

A theksoi se mungesa e gjykatës i bën prokurorët të vijnë si në bar-kafe.

"Prokurorët mbajtën një qëndrim, folëm 2 orë e gjysmë, ata kontestuan për 5 minuta. Dje thanë nuk paraqitet. Qendrim variabël. Vendimi shkelje e rëndë çka përbën përgjegjësi të madhe për gjykatësen.  Do presim vendimin nesër në orën 09:00. Mungesa e gjykatës i bën prokurorët të vijnë si në bar-kafe. Nuk ka barazi palësh në gjykim", u shpreh Gjokutaj.

Gjykata e Posaçme do të japë nesër në orën 09:00 vendimin për Sali Berishën, pas ankimimit të masës së sigurisë. Gjykata e Posaçme ka vendosur ndaj Berishës masën e sigurisë "arrest shtëpie" për privatizimin e kompleksit "Partizani". 

Të martën, kreu i PD-së qëndroi rreth 2 orë në SPAK dhe kjo ishte hera e parë që ai dëshmoi para prokurorëve për dosjen "Partizani".

Pas daljes nga SPAK-u, në një pronocim për mediat, Berisha hodhi sërish akuza ndaj prokurorëve. Ai i cilësoi sërish prokurorët si grup të strukturuar kriminal. 

Prokuroria e Posaçme e akuzon ish-kryeministrin për “Korrupsion pasiv të funksionarëve të lartë shtetërorë ose të zgjedhurve vendorë”, kryer në bashkëpunim me dhëndrin e tij, Jamarbër Malltezin.

SPAK pretendon se Berisha, në cilësinë e tij si Kryeministër, ka favorizuar procedurat e privatizimit të ish-kompleksit “Partizani” dhe përfitues i drejtpërdrejtë ka qenë Malltezi./CNA

 

 

 





Lajmet e fundit nga