web counter
LEXO PA REKLAMA!

SHKARKO APP

App Store
Google Play

E fundit!

x

Rrëshqitja nga ngricat, problem në juglindje/ 40 persona përfundojnë në spital

24 Janar 2024, 10:54, Aktualitet CNA
Rrëshqitja nga ngricat, problem në juglindje/ 40 persona
Ortopedi Vasfi Topçiu

Ngricat që kanë përfshirë prej disa ditësh juglindjen, kanë sjellë problematika sa u përket qytetarëve.

Në tri prej bashkive të qarkut juglindor, përkatësisht Korçë, Pogradec e Devoll, janë shënuar raste të personave, të cilët kanë rrëshqitur në trotuare si pasojë e shtresave të akullit.

25 raste janë shënuar në Pogradec, prej të cilëve 15 me fraktura, 13 raste në urgjencën e Korçës e 2 raste në spitalin e Bilishtit. Tri prej këtyre rasteve janë dërguar në Tiranë për shkak të thyerjeve të rënda që kanë pësuar.

Ortopedi Vasfi Topçiu ka treguar nga Pogradeci situatën në të cilën janë përballur qytetarët dhe frakturat që kanë pësuar. Ndër të tjera ai thotë se të lënduarit janë mbi 50 vjeç dhe pensionistë, duke theksuar edhe kujdesin që duhet të kenë.

"Ka pasur raste të shoqëruara me trauma, deri më tani janë 25 të traumatizuar, prej tyre reth 15 kanë pësuar fraktura. Janë kryesisht të moshës mesatare dhe të rritur", u shpreh mjeku. 

Për juglindjen në total janë paraqitur 40 persona me trauma dhe fraktura në 72 orët e fundit. Sipas informacioneve të marra, në Maliq e Kolonjë nuk ka pasur persona të paraqitur pranë qendrave shëndetësore./CNA 





Lajmet e fundit nga