web counter
LEXO PA REKLAMA!

SHKARKO APP

App Store
Google Play

E fundit!

x

“Prokurorët kontrollohen nga Rama”/ Lubonja: Pse po hesht SPAK për skandalin McGonigal

23 Janar 2024, 18:43, Aktualitet CNA
“Prokurorët kontrollohen nga Rama”/ Lubonja: Pse po hesht SPAK
Fatos Lubonja

Ditën e sotme ish-kryeministri Sali Berisha është marrë në pyetje nga prokurorët e SPAK.

Pas daljes nga SPAK në një prononcim për gazetarët Berisha tha se kishet parë prokurroë të terrorizuar dhe një grup kriminal.

Analisti Fatos Lubonja e ka komentuar këtë deklaratë të Berishës duke thënë se është e vërtetë që SPAK kontrollohet nga kryeministri Edi Rama që sipas tij shumica e prokurorëve kontrollohen nga ai.

 “E para që bie në sy është që gjeta një grup kriminal, por pastaj edhe të terrorizuar. Ka një kontradiktë sipas meje. Sipas interpretimit janë dy grupe, grupi kriminal që është pjesa e lidhur me qeverinë sipas tij, dhe një pjesë njerëzish që janë të terrorizuar sepse nuk veprojnë. Ka prokurorë atje që nuk lëvizin dot siç do shumica. Ka një të vërtetë që SPAK-u kontrollohet nga Rama dhe do të thotë se shumica e prokurorëve janë nën këtë kontroll. Nëse Berisha flet për të terrorizuar nënkupton që ka një pjesë siç funksionon në një regjim dhe në regjim jo të gjithë janë vullnetarë të regjimit. Flitet që ky Dumani është më i pavarur se sa ky Kraja. Por, grup kriminal mua nuk më shkon shumë. Për mua, grupi kriminal është me në krye Ramën dhe këta janë pjesë e këtij grupi më të madh. Dhe ky që e quan pjesë e një grupi kriminal është pjesë e një bande që kontrollon drejtësinë si instrument pushteti”, ka thënë Lubonja.

Më tej Lubonja ka komentuar dhe komentin për skandal McGonigal, duke thënë se është bërë një krim shumë i madh.

Lubonja thekson se kemi hapje të një procesi për të shkatërruar opozitën nga vetë amerikanët.

“Na kanë shitur një reformë në drejtësi sikur është bërë për të qenë e pavarur, siç tregojnë gjithë këto ngjarje, arrestime në një krah dhe heshtja për çështje të tjera si Mcgonigal. Dje e vërtetoi edhe Zëri i Amerikës se është bërë një krim shumë i madh. Korruptohet një zyrtar i FBI-së dhe Mcgonigal e ka pranuar që e ka shtyrë ai këtë çështje dhe ka marrë para. Kemi një hapje të një procesi për të shkatërruar opozitën nga vetë amerikanët. Uotergejtit ishte një përgjim në kuadër të fushatës dhe Nikson dha dorëheqjen. Imagjino shkon e korrupton një zyrtar të lartë të FBI-së për të shkatërruar opozitën dhe këtu nuk ndodh asgjë. Mbetet e hapur për interpretim ajo thënia e Berishës”, deklaroi analisti Lubonja./ CNA





Lajmet e fundit nga