web counter
LEXO PA REKLAMA!

SHKARKO APP

App Store
Google Play

E fundit!

x

CNA publikoi denoncimin e gjyqtares/ Artan Hoxha: Është kërcënuar dhe nga një prokuror

22 Janar 2024, 22:52, Aktualitet CNA

CNA publikoi denoncimin e gjyqtares/ Artan Hoxha: Është

Dy ditë më parë CNA denoncoi rastin e gjyqtares Arnisa Këlliçi e cila kishte marrë një letër kërcënuese me jetën e fëmijëve.

CNA publikoi ekskluzivisht letrën kërcënuese ndërsa bëri me dije se letra është çuar për ekzaminim.

Në lidhje me këtë rast ka folur dhe gazetari Artan Hoxha në emisionin Të Paekspozuarit me Ylli Rakipin.

Ai ka bërë me dije se më herët, gjyqtarja ka marrë kërcënim dhe nga një prokuror.

"Gjyqtares i ka shkuar një letër, që ka sipër pullën postare dhe vulën e burgut të Fushë Krujës. Pra ka ardhur nga burgu i Fushë Krujës. Ajo e ka hapur letrën ditën e shtunë dhe ka gjetur këtë tekst. Ajo është shqetësuar dhe i është drejtuar policisë. I është ofruar mbrojtje fillimisht nga Polica dhe më pas nga KLGJ dhe është në ruajtje për 3 muaj. Një repart i njohur me emrin RESI.

Kësaj i ka ardhur letra të shtunën. Ndërkohë javën e kaluar është vënë në dijeni nga kancelari i gjykatës, se një prokuror e ka marrë kancelarja dhe e ka kërcënuar me jetë dhe i ka thënë edhe filanen, prokuroren, do ta vras. Kjo bisedë është e regjistruar. Kancelarja e ka njoftuar gjyqtaren dhe i ka treguar bisedën, e ka regjistruar dhe e ka vënë në dijeni, ka bërë edhe kallëzim për Prokurorin e Shkallës së Parë në Tiranë.

Gjyqtarja pasi është vënë në dijeni, e ka thirrur prokurorin dhe ai i është justifikuar, i ka thënë nuk kam qenë në gjendje të mirë emocionale, kam qenë edhe nën efektin e alkoolit dhe kjo nuk ka bërë kallëzim. Kur ka bërë pastaj kallëzim për kërcënimin, gjyqtarja ka shtuar edhe kërcënimin e prokurorit.

A është marrë në mbrojtje? Kjo është një çështje që tashmë është marrë nën hetim. Nuk duket çështje shakaje. Sa serioz është ky kërcënim? Çfarë çështjesh ka patur kjo gjyqtare? Ka edhe çështje me trafikantë droge”, ka deklaruar ndër të tjera Artan Hoxha./ CNA





Lajmet e fundit nga