web counter
LEXO PA REKLAMA!

SHKARKO APP

App Store
Google Play

E fundit!

x

Mashtrimi përmes mesazheve/ Policia e Shtetit jep informacionin e rëndësishëm për qytetarët

22 Janar 2024, 20:06, Aktualitet CNA

Mashtrimi përmes mesazheve/ Policia e Shtetit jep informacionin e

Policia e Shtetit ka dhënë informacione të rëndësishme në lidhje me mesazhet mashtruese të cilat dërgohen në telefonat e përdoruesve të Apple.

Policia e Shtetit thotë se autorët që dërgojnë këto mesazhe për të fituar besueshmëri, përdorin emërtimet e institucioneve të ndryshme shqiptare, siç është rasti i fundit i konstatuar, nga një adresë joreale e Postës Shqiptare.

Policia u bën apel qytetarëve që në asnjë rast të mos klikojnë apo të plotësojnë formularë pa u siguruar se faqja nga e cila jeni kontaktuar, është faqja zyrtare e institucionit.

Nëse ju ka ardhur një mesazh i tillë dhe ju keni shpërndarë të dhënat tuaja personale apo nëse jeni mashtruar nga një aktivitet i tillë, duhet të paraqiteni pranë zyrave tona.

“Në vijim të njoftimit të ditës së djeshme, të strukturave të Hetimit të Krimeve Kibernerike, i cili bënte fjalë për mesazhe (iMessage), që iu dërgohen nga adresa të ndryshme iCloud, përdoruesve të Apple, ju informojmë se:

Autorët që dërgojnë këto mesazhe, për të fituar besueshmëri, përdorin emërtimet e institucioneve të ndryshme shqiptare, siç është rasti i fundit i konstatuar, nga një adresë joreale e Postës Shqiptare.

Në asnjë rast mos klikoni dhe mos plotësoni formularë, pa u siguruar që faqja nga e cila jeni kontaktuar, është faqja zyrtare e institucionit.

Nëse ju ka ardhur një mesazh i tillë dhe ju keni shpërndarë të dhënat tuaja personale apo nëse jeni mashtruar nga një aktivitet i tillë, ju ftojmë të paraqiteni pranë zyrave tona”, thuhet në njoftim./ CNA





11:56 Aktualitet

Agron Neza, në SPAK

Biznesmeni Agron Neza është paraqitur këtë të hënë në Prok...

Lajmet e fundit nga