E fundit!

14:34 Aktualitet

Edmond Spaho: Edi Rama nuk duhet të japë dorëheqjen

Ish-nënkryetari dhe ish-deputeti i Partisë Demokratike, Ed...

Mbeti i plagosur në 21 Janar të 2011/ Gazetari rrëfen përjetimet: Njolla e zezë e drejtësisë shqiptare

22 Janar 2024, 17:52, Aktualitet CNA

Mbeti i plagosur në 21 Janar të 2011/ Gazetari rrëfen

Gazetari Fatos Mahmutaj

Gazetari Fatos Mahmutaj, i cili ishte një nga të plagosurit e protestës së 21 janarit të vitit 2011 kla rrëfyer përjetimet e kësaj dite, e cila sipas tij ka mbetur një njollë e zezë në drejtësinë shqiptare e cila nuk po arrin të zbardhë ngjarjen ku pati 4 viktima.

Mahmutaj është shprehur gjatë një intyerviste se kjo është ngjarja që i ka ndryshuar jetën totalisht, duke u detyruar të largohej nga vendi.

“21 janari është një nga skutat e errëta të shtetit shqiptar. Është një nga ato ngjarje që vit pas viti po bën padrejtësi. Padrejtësia ka arritur në maksimum për këtë çështje dhe dita më e keqe për 4 viktima. Dita më e keqe edhe për 45 të plagosurit.

Nuk doja të ndalesha te pjesa personale imja, kujtoj plumbat e organeve shtetërore, të Gardës së Republikës, së policisë shqiptare, mbi vetë shqiptarët. Disa shqiptarë që qëllonin drejt disa shqiptarëve të tjerë për diçka që e gatoi politika e kohës.

Ishte një vendim i detyruar. Nuk kishte zgjidhje tjetër. Mu desh që të ndryshoja totalisht jo vetëm jetën, por edhe mënyrën e sjelljes, nga një qytetar i mirë mu desh të largohesha fshehurazi nga vendi im”, rrëfen Mahmutaj.

Sipas gazetarit kjo çështje që ende vijon të mos zbardhet dhe kalon sa nga një portë në një tjetër është njolla më e zezë e drejtësisë shqiptare.

“Jeta të cilën kisha krijuar, ta ndryshoja totalisht, të rikthehesha edhe njëherë për ta ndërtuar edhe njëherë tjetër, për shkak të asaj që më ndodhën dhe akuzat që ngrita mbi personat që ngrita mbi ekzekutorët e 21 janar, mbi personat që qëlluan drejtpërdrejtë mbi protestuesit.

Pati pasoja, më kanë filluar që te mosmjekimi deri te “persekutimi”, kërcënime, etj. Ky 21 janar mi solli punët shumë mbrapsht dhe mu desh të ndërtoja gjithçka në Belgjikë.

Ky 21 Janar që ka 13 vite i pazbardhur duke u hedhur topi sa në një portë, te një portë tjetër e drejtësisë, iu shtua një njollë e zezë drejtësisë shqiptare”, ka deklaruar Mahmutaj.

Ndër të tjera ai është shprehur i gatshëm për të dëshmuar në lidhje me këtë çështje nëse e merr në dorë Prokuroria e Posaçme kundër Korrupsionit dhe Krimit të Organizuar./ CNA