E fundit!

12:16 Aktualitet

SPAK kërkon 98 vite burg për Durim Bamin, Aldo Avdylin dhe 5 të tjerë

Prokuroria e Posaçme ka dhënë pretencën për disa nga të pa...

Zbulohet mashtrimi nëpërmjet mesazheve/ Policia, thirrje qytetarëve

21 Janar 2024, 15:25, Aktualitet CNA

Zbulohet mashtrimi nëpërmjet mesazheve/ Policia, thirrje

Policia e Shtetit ka zbuluar një mashtrim nëpërmjet mesazheve në aparetet celulare.

Persona të paidentifikuar dërgojnë mesazhe kryesisht te përdoruesit e “Iphone”-ve dhe u premtojnë qytetarëve të ardhura të konsiderueshme.

Si kriter, mashtruesit thonë se duhet vetëm përdorimi i telefonit të tyre.

Ky mashtrim është zbuluar nga Policia e Shtetit, e cila u bën thirrje qytetarëve të denoncojnë çdo mesazh të tillë, pasi thekson se personat që dërgojnë këto mesazhe kanë qëllim të vjedhin të dhënat tuaja personale.

Zbulohet mashtrimi nëpërmjet mesazheve/ Policia, thirrje

“Nga monitorimi i vazhdueshëm i hapësirave virtuale, në rrjete sociale, me qëllim evidentimin e veprimtarive të kundraligjshme, kryesisht në fushën e krimeve kibernetike, specialistët e Sektorit për Hetimin e Krimeve Kibernetike në DVP Tiranë, kanë konstatuar se në mënyrë të përsëritur, kryesisht përdoruesve që përdorin pajisje komunikimi "Apple", u dërgohen me iMessage, mesazhe nga adresa ndryshme iCloud.

Personave marrës të këtyre mesazheve, iu premtohen të ardhura të konsiderueshme në valuta të huaja, duke pasur si kriter vetëm përdorimin e aparatit të tyre celular, dhe personat e interesuar (autorët), i ftojnë të komunikojnë nëpërmjet aplikacionit "Telegram".

Duke marrë në konsideratë se ky aktivitet, dinamika e të cilit nuk është ende e qartë plotësisht, nëpërmjet joshjes financiare, mund të marrë në posedim të dhënat personale të shtetasve shqiptarë, ju informojmë të bëni kujdes me të dhënat tuaja.

Zbulohet mashtrimi nëpërmjet mesazheve/ Policia, thirrje

Nqs ju ka ardhur një mesazh i tillë, dhe ju keni shpërndarë të dhënat tuaja personale, apo jeni mashtruar nga një aktivitet i tillë, ju ftojmë të paraqiteni pranë zyrave tona si dhe zyrave policore të Krimeve Kompjuterike dhe Kibernetike në Drejtoritë Vendore të Policisë dhe Drejtorisë për Hetimin e Krimeve Kompjuterike e Kibernetike në DPPSH”, thuhet në njoftimin e policisë.

Kujtojmë se kjo nuk është hera e parë që persona të paidentifikuar mashtrojnë me anë të mjeteve elektronike qytetarët.

CNA ka denoncuar në qershor të 2023-shit për rastin e mashtrimit me "email"-e në emër të policisë./ CNA