web counter
LEXO PA REKLAMA!

SHKARKO APP

App Store
Google Play

Mashtrimi me emailet e rreme/ Policia e Shtetit, thirrje të fortë qytetarëve

23 Qershor 2023, 17:16, Kronika CNA

Mashtrimi me emailet e rreme/ Policia e Shtetit, thirrje të fortë

Ditën e djeshme, CNA zbuloi skandalin me mashtrimin që po i bëhej qytetarëve nëpërmjet emaileve në emër të policisë.

Emailet e rreme që i dërgoheshin qytetarëve në adresë të drejtorit të Departamentit për Policinë Kriminale, Neritan Nallbati, u konfirmuan edhe nga Policia e Shtetit, e cila deklaroi se ka evideuar disa raste mashtrimi.

Sot Policia e Shtetit ka dalë me një tjetër njoftim zyrtar, ku i rikujton qytetarëve të mos bien pre dhe i kërkon atyre t’i vënë në dijeni nëse hasin raste të tilla.

Njoftimi i policisë:

Drejtoria për Hetimin e Krimeve Kibernetike, dje, më datë 22.06.2023, është vënë në dijeni të një fushate mashtrimi nëpërmjet sistemeve kompjuterike e cila synonte persona fizikë dhe juridikë, pa dallime të caktuara, me qëllim marrjen e shumave të ndryshme monetare.

Nga veprimet e shpejta të ndërmarra nga Drejtoria për Hetimin e Krimeve Kibernetike, përsa i përket njoftimit të të gjithë qytetarëve dhe kontaktimit të çdo shtetasi apo subjekti të prekur nga kjo veprimtari kriminale, sot konstatojmë se kemi arritur të parandalojmë pasojat e mëtejshme, si dhe dëmet monetare për qytetarët.

Puna policore vijon për hetimin e ngjarjes, si dhe për identifikimin e autorëve.

Ju ri-informojmë se njoftimi që mund t’iu vijë nëpërmjet postës elektronike është:

Ndërsa mesazhi bashkëlidhur me të, është:

Ftojmë qytetarët që për çdo problematikë që mund të hasin, të kontaktojnë Drejtorinë për Hetimit e Krimeve Kibernetike, në adresën e postës elektronike [email protected].

Drejtoria për Hetimin e Krimeve Kibernetike do të japë më shumë informacion rreth kësaj situate, në ditët në vijim./ CNA.al

Mashtrimi me emailet e rreme/ Policia e Shtetit, thirrje të fortë

Mashtrimi me emailet e rreme/ Policia e Shtetit, thirrje të fortë





Lajmet e fundit nga