web counter
LEXO PA REKLAMA!

SHKARKO APP

App Store
Google Play

E fundit!

x

Tha në spital se u dëmtua në punë/ Policia zbulon ngjarjen, 52-vjeçari u godit nga i biri

22 Qershor 2023, 21:19, Kronika CNA

Tha në spital se u dëmtua në punë/ Policia zbulon ngjarjen,

Grupi hetimor ka zbardhur ngjarjen e ndodhur mesditën e sotme në lagjen nr. 17, në Korçë, ku u dëmtua me mjete të forta një 52-vjeçar.

Fillimisht u raportua si ngjarje aksidentale, pasi 52-vjeçari me iniciale A.K. ka deklaruar në spital se ishte dëmtuar gjatë kohës kur po punonte në punishten e tij.

Ai pretendoi se kishin rënë disa mjete të forta në kokë, por hetimet kanë zbuluar se është goditur me mjete nga djali i tij, pas një konflikti për motive të dobëta.

Si rrjedhojë, policia ka arrestuar në flagrancë djalin e tij me iniciale A. K., 24 vjeç, për veprën penale "Dhunë në familje".

“Shërbimet e Komisariatit të Policisë Korçë, mesditën e sotme, pas marrjes së njoftimit se në spitalin e Korçës, kishte shkuar i dëmtuar në kokë shtetasi A. K., 52 vjeç, banues në fshatin Vranisht, Devoll, menjëherë kanë shkuar në spital me qëllim verifikimin e rastit. Fillimisht 52-vjeçari ka deklaruar se ishte dëmtuar gjatë kohës kur po punonte në punishten e tij në lagjen nr. 17, Korçë, ku i kishin rënë disa mjete të forta në kokë.

Pas hetimeve të thelluara të kryera nga grupi hetimor, këqyrja e pamjeve filmike të vendngjarjes dhe provave të tjera të grumbulluara, u bë e mundur zbardhja e plotë e rrethanave të kësaj ngjarjeje, ku rezultoi se 52-vjeçari ishte goditur me mjete të forta nga djali i tij shtetasi A. K., 24 vjeç, gjatë një konflikti për motive të dobëta.

Në vijim të veprimeve procedurale, u bë arrestimi në flagrancë i shtetasit A. K., 24 vjeç, për veprën penale "Dhuna në familje", ndërsa 52-vjeçari u transportua në Tiranë për mjekim të specializuar.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme”, thuhet në njoftimin e policisë./ CNA.al





Lajmet e fundit nga