web counter
LEXO PA REKLAMA!

SHKARKO APP

App Store
Google Play

Xhaxhai i Aleks Nikës, me "sytë" nga SPAK-u: Topi është në fushën e drejtësisë

21 Janar 2024, 10:42, Aktualitet CNA
Xhaxhai i Aleks Nikës, me "sytë" nga SPAK-u: Topi
Xhaxhai i Aleks Nikës

Xhaxhai i Aleks Nikës u shpreh gjatë homazheve për "21 Janarin" se krimi shtetëror u mbulua nga pushteti i asaj kohe. 

Ai tha se provat janë prishur, por familjarët janë ende me sytë nga drejtësia, nga SPAK-u, që fajtorët të dënohen. 

"Vrasja e Aleksit dhe 3 protestuesve të tjerë u zbardh para kamerave, ishin protestues që nuk po bënin rrugë. Të katërt u vranë në bulevard, një urdhër nga lart mund të çonte në vrasjen e protestuesve. Ky është një krim shtetëror që është thyer. U prishën provat. Nga ky vit kemi shpresë dhe besim se 21 Janari do flasë në gjuhën e së vërtetës, ligjit dhe drejtësisë. Vendimi i Gjykatës së Strasburgut është i detyrueshëm për t'u zbatuar. Topi është në fushën e drejtësisë së re shqiptare, jemi me shpresë", u shpreh ai. 

Sot shënohet 13 vite nga ngjarja e rëndë, ku katër persona u vranë në bulervardin "Dëshmorët e Kombit" e shumë të tjerë u plagosën.

Më 21 janar të 2011, Aleks Nika, Ziver Veizi, Hekuran Deda dhe Faik Myrtaj mbetën të vrarë gjatë protestës së opozitës.

Më 21 janar, opozita e atëhershme, sot në qeveri, protestoi para Kryeministrisë. Protesta degradoi në dhunë dhe përplasje ndërsa nga brenda Kryeministrisë u hap zjarr duke sjellë edhe bilancin tragjik me katër viktima.

Tubimi ndodhi pas publikimit të një videoje në emisionin "Fiks Fare", ku Ilir Meta, atë kohë zëvendëskryeministër në qeverinë Berisha, shfaqej me një bllok të zi në dorë, duke bërë pazare me ish-ministrin e ndjerë, Dritan Prifti./CNA 





Lajmet e fundit nga