web counter
LEXO PA REKLAMA!

SHKARKO APP

App Store
Google Play

Sokol Sadushi, me shallin e kuq komunist/ Kërkohet dorëheqja e kreut të Gjykatës së Lartë

21 Janar 2024, 18:42, Aktualitet CNA
Sokol Sadushi, me shallin e kuq komunist/ Kërkohet dorëheqja e kreut
Sokol Sadushi në rreth

Ish-deputeti i PD-së, Fatos Hoxha ka reaguar për daljen e kryetarit të Gjykatës së Lartë, Sokol Sadushit, me shallin e kuq komunist në qafë.

Në një status në rrjetet sociale, Hoxha përmend akuzat e ngritura ndaj Sadushit për lidhjet me mazhorancën socialiste.

Ai hedh dyshim mbi pavarësinë e Sadushit në funksionin e tij si kryetar të Gjykatës së Lartë.

Ish-deputeti kërkon dorëheqjen e Sadushit, duke theksuar se drejtësia e re mund të kapet nga “pinjollët e kuq”.

“Në këtë foto, shikoni kryetarin e gjykatës së lartë Sokol Maliq Sadushi me eksponentë të lartë politikë socialistë.

Sokol Sadushi ish ekspert i lartë i “pavarur” i reformës në drejtësi është akuzuar ndër vite për lidhjet e forta me të majtën në Shqipëri, lidhje deri në militantizëm.

Pas kësaj foto, a mund të flasim më për “pavarësinë” e Sadushit në funksionin e tij si kryetar të gjykatës së lartë?

Për të mos kompromentuar sadopak “suksesin” e reformës në drejtësi, dikush duhet t’i kërkojë dorëheqjen ose në të kundërt drejtësia e re, e trumbetuar me të madhe, është de facto, kapje e saj nga pinjollët e kuq.

Të kuq si shalli që mban në qafë Sokol Maliq Sadushi”, thekson Fatos Hoxha./ CNA

Sokol Sadushi, me shallin e kuq komunist/ Kërkohet dorëheqja e kreut





Lajmet e fundit nga