web counter
LEXO PA REKLAMA!

SHKARKO APP

E fundit!

x

FOTO/ Deputetët demokratë para SPAK-ut në mbështetje të Berishës

23 Janar 2024, 09:44, Aktualitet CNA
FOTO/ Deputetët demokratë para SPAK-ut në mbështetje të
Sali Berisha

Flamur Noka dhe deputetë të tjerë të Partisë Demokratike ndodhen sot para SPAK-ut në mbështetje të ish-kryeministrit Sali Berisha. 

Berisha pritet të shkojë nga momenti në moment në SPAK, ku do të merret në pyetje nga prokurorët në lidhje me privatizimin e ish-kompleksit "Partizani", për të cilin gjykata ka dhënë masën e sigurisë "arrest shtëpie". 

Seanca për dhënien e dëshmisë ishte caktuar javën e kaluar, por avokatët e kryedemokratit kërkuan shtyrjen e saj, duke argumentuar se Berisha nuk mund të ishte prezent për shkaqe objektive pune dhe familjare.

Gjykata e Posaçme pranoi kërkesat e avokatëve dhe e shtyu seancën për këtë të martë, ndërkohë që seanca për Jamarbër Malltezin do të mbahet në 25 janar.

Berisha ndodhet në arrest shtëpie. SPAK e akuzon ish-kryeministrin për “Korrupsion pasiv të funksionarëve të lartë shtetërorë ose të zgjedhurve vendorë”, kryer në bashkëpunim me dhëndrin e tij, Jamarbër Malltezin.

SPAK pretendon se Berisha, në cilësinë e tij si Kryeministër, ka favorizuar procedurat e privatizimit të ish-kompleksit “Partizani” dhe përfitues i drejtpërdrejtë ka qenë Malltezi./CNA

 

 





Lajmet e fundit nga