web counter
LEXO PA REKLAMA!

SHKARKO APP

App Store
Google Play

E fundit!

x

Policia mbërrin në banesën e Berishës, pritet të shoqërohet drejt SPAK-ut

23 Janar 2024, 09:34, Aktualitet CNA
Policia mbërrin në banesën e Berishës, pritet të
Efektivë të policisë poshtë banesës së Berishës

Efektivë të policisë kanë mbërritur poshtë banesës së ish-kryeministrit Sali Berisha. Pritet që në orën 10:00, Berisha të pyetet për herë të parë në SPAK për privatizimin e ish-kompleksit "Partizani". 

Pritet që Berisha të shkojë në SPAK. Kjo pasi, vajza e tij Argita Berisha deklaroi mbrëmjen e kaluar se babai i saj do të paraqitet për të dhënë dëshmi.

Seanca për dhënien e dëshmisë ishte caktuar javën e kaluar, por avokatët e kryedemokratit kërkuan shtyrjen e saj, duke argumentuar se Berisha nuk mund të ishte prezent për shkaqe objektive pune dhe familjare.

Gjykata e Posaçme pranoi kërkesat e avokatëve dhe e shtyu seancën për këtë të martë, ndërkohë që seanca për Jamarbër Malltezin do të mbahet në 25 janar.

Berisha ndodhet në arrest shtëpie. SPAK e akuzon ish-kryeministrin për “Korrupsion pasiv të funksionarëve të lartë shtetërorë ose të zgjedhurve vendorë”, kryer në bashkëpunim me dhëndrin e tij, Jamarbër Malltezin.

SPAK pretendon se Berisha, në cilësinë e tij si Kryeministër, ka favorizuar procedurat e privatizimit të ish-kompleksit “Partizani” dhe përfitues i drejtpërdrejtë ka qenë Malltezi.

Në tokën e ish-kompleksit “Partizani”, Malltezi në cilësinë e investitorit nga shoqëria “Homeplan” sh.p.k., ka kryer ndërtime dhe përfitimet llogariten në shumën 672 miliardë lekë ose 5 milionë euro./CNA

 

 





Lajmet e fundit nga