Rama dhe Berisha, bashkë kundër SPAK-ut

19 Janar 2024, 15:00, Editorial Elvi FUNDO

Sali Berisha dhe Edi Rama

Ka një sintoni të qartë, ka një melodi të njëjtë politike për luftën që kanë zgjedhur të bëjnë kundër SPAK-ut, ish-kryeministri Sali Berisha dhe kreu i qeverisë, Edi Rama.

Muzika është e njëjtë, por janë zgjedhur ritme të ndryshme.

Berisha, akuza SPAK/ “Po falsifikon dokumente për të krijuar dosje ndaj meje”
7 Shtator, 22:08

Ish-kryeministri në detyrë e ka muzikën e tij "hard rock" deri më "metal", mjaft të ashpër, kundër SPAK-ut, kundër prokurorëve të tij, ndaj disa individëve që kanë lidhje të forta me pushtetin dhe qeverinë.

Sali Berisha

Kjo nuk ka më dyshime, pasi disa nga prokurorët e SPAK-ut tashmë janë denoncuar dhjetëra herë për lidhje të tyre të forta me PS-në, për mosveprime dhe veprime të qëllimshme në lidhje me çështje të ndryshme hetimore, të cilat krijojnë mjaft dyshime se këta i kanë shërbyer pushtetit, pa folur më tej për faktin se edhe vetë Berisha ka një hetim në SPAK dhe është mjaft i ashpër ndaj prokurorëve të këtij institucioni.

Standardi që na duhet nga SPAK-u dhe gjykata
24 Tetor, 15:15

Nga ana tjetër, është muzika melodioze e kryeministrit Rama, i cili ndryshe nga Berisha që shkon nga "hard rock" te "metali", Edi Rama i bie një violine vajtuese, apo zgjedh një simfoni të lehtë që të rrjedhin ujërat ose ndoshta mund ta krahasojmë me “Stinët” e Vivaldit.

Ekskluzive/ Rama në qeveri: Ndalni SPAK-un!
17 Janar, 17:34

Zgjedh të ketë pranverë kur i ka punët mirë, ndoshta dhe diell, kur punët janë edhe më mirë, ku fillojnë hetimet vjen vjeshta, e më pas, kur ka dënime, vjen dimri. E kur Rama në distancë shikon se SPAK-u ka probleme, fillon t'i bjerë violinës së tij dhe të përdorë në politikë “Stinët” e Vivaldit.

Rama, në alarm: Kujdes nga SPAK-u! Mbyllini dyert!
17 Janar, 16:18

Ky është rasti që sot po bën kryeministri ynë, i cili duke përdorur mazhorancën parlamentare po krijon një komision “Ad hoc”, i cili mund të quhet komisioni i 99-çave dhe vullnetarëve të Enverit.

Ekskluzive/ PS reformë në Parlament, zbulohet komisioni
18 Janar, 19:13

Vullnetarët e Enverit dhe 99-çat kundër SPAK-ut nga përbërja e këtij komisioni ku përfshihen Fatmir Xhafaj, Plarent Ndreca, Ermonela Felaj, Klotilda Bushka dhe Toni Gogu.

Emrat e komisionit/ 99-çat dhe vullnetarët e Enverit, kundër SPAK-ut
19 Janar, 12:48

Një komision, i cili do të thërrasë në Apel, SPAK-un. Dhe nga ana tjetër, disa ditë më parë, kryeministri ynë, në një mbledhje qeverie, i ka drejtuar gishtin Sekretarit të Përgjithshëm të institucionit, Ëngjëll Agaçit, një nga njerëzit nën hetim nga SPAK-u që të nxjerrë udhëzime për ministritë, Sekretarët e Përgjithshëm, për drejtorët e agjencive, si duhet të veprojë SPAK-u kur shkon në zyrat e tyre.

Zbulohet emri/ Ja kush do ta udhëheqë luftën e mazhorancës kundër SPAK-ut
18 Janar, 14:57

Të dy, edhe Berisha, edhe Rama, kanë muzikën e tyre kundër SPAK-ut, siç e theksuam, Berisha më të fortë më “metal”, Rama më të ëmbël, më simfonike.

"Arrest shtëpie"/ Zbardhet vendimi i GJKKO-së për Sali Berishën
30 Dhjetor, 12:57

Nga ana tjetër pa muzikë ka ngelur Luli, i cili është ende duke fjetur, jo se ka ndonjë hall për të mbrojtur SPAK-un, sepse edhe ai ka disa dosje, ku emrin e ka nëpër rreshta, por të paktën ka heshtur dhe po shijon sa "hard rock”-un apo “metalin” e doktorit apo violinën dhe simfoninë e Ramës.

Sa për Liken "ustai" i Skraparit rri e pret./CNA