web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive/ Rama në qeveri: Ndalni SPAK-un!

17 Janar 2024, 17:24, Aktualitet CNA
Ekskluzive/ Rama në qeveri: Ndalni SPAK-un!
Kryeministri Edi Rama

Burime zyrtare nga mbledhja e sotme e qeverisë i thanë CNA-së se kryeministri Edi Rama ka lëshuar një ultimatum për ministrat.

Ai ka kërkuar të ndalet SPAK, të frenohen veprimet e tyre, pasi sipas pretendimeve të kryeministrit, janë në tejkalim të ligjit.

Kryeministri Rama ka deklaruar në mbledhjen e qeverisë se një ditë më parë ka mbledhur sekretarët e përgjithshëm dhe drejtorët e agjencive në varësi të kryeministrisë, duke iu dhënë një urdhër të mos ia hapin derën SPAK-ut dhe BKH-së, por të veprojnë pasi të jenë njoftuar.

Nëse SPAK dhe BKH nuk i njofton sipas ligjit dy apo tri ditë më parë për kontrollet që do të kryhen apo marrjen e dokumentacionit të nevojshëm për hetimin, të mos lejojnë prokurorët apo zyrtarët e BKH-së të ushtrojnë kontrolle.

Rama ka qenë i drejtpërdrejtë në mbledhjen e qeverisë, ku ka theksuar se pasi paralajmëroi drejtorët dhe sekretarët e përgjithshëm janë ministrat që duhet ta dinë dhe duhet të ndalin SPAK-un dhe BKH-në në veprimet që do të kryejnë.

Ekskluzive/ Rama në qeveri: Ndalni SPAK-un!
Kryeministri Edi Rama

Theksojmë se në javët e fundit SPAK dhe BKH kanë kryer me dhjetëra hetime në zyra, institucione shtetërore, duke mbledhur me mijëra e mijëra faqe e dokumente për të provuar akuzat ndaj zyrtarëve të lartë që janë përfshirë në hetim nga SPAK-u, ku janë disa ish-ministra të kabinetit, sekretarë të përgjithshëm të tyre, por edhe zyrtarë të tjerë që janë në funksion apo janë larguar.

Ata akuzohen për korrupsion, tendera dhe afera korruptive. Gjithashtu, nga ana tjetër ndaj këtyre zyrtarëve paralel me hetimet për procedurat, tenderat apo aferat e dyshuara kanë filluar dhe hetime pasurore.

Mesa duket, veprimet e shpejta dhe të forta të SPAK-ut kanë bërë që kryeministri të ngrejë alarmin dhe të kërkojnë edhe zgjidhje për të ndalur ofensivën e SPAK-ut dhe BKH-së ndaj institucioneve qeveritare./ CNA





Lajmet e fundit nga