web counter
LEXO PA REKLAMA!

SHKARKO APP

App Store
Google Play

E fundit!

x

Publikohen testet model të provimeve të Maturës Shtetërore

16 Janar 2024, 13:45, Aktualitet CNA

Publikohen testet model të provimeve të Maturës Shtetërore

Nga sot, 16 janar, publikohen testet model të provimeve të Maturës Shtetërore, të cilat do të shpërndahen në të gjitha shkollat e mesme të vendit.

Kjo është një nga risitë e Maturës Shtetërore këtë vit, për t’u siguruar që maturantët të jenë të pajisur me testet model më përpara se vitet e shkuara, në mënyrë që të kenë më shumë kohë në dispozicion dhe të jenë më mirë të përgatitur për provimet përfundimtare.

Gjatë një takimi me hartuesit e fondit të pyetjeve të Maturës Shtetërore, ministrja e Arsimit dhe Sportit, Ogerta Manastirliu, u ndal te rëndësia e krijimit të pyetjeve që bazohen në njohuritë e fituara gjatë viteve të shkollimit.

Në këtë takim që u zhvillua në mjediset e Ministrisë së Arsimit, u vu theksi te nevoja për pyetje të qarta dhe të drejtpërdrejta që shmangin çdo lloj paqartësie te nxënësit, duke i ndihmuar ata të aplikojnë njohuritë e tyre në mënyrën më efikase.

Ky hap i rëndësishëm synon të rrisë cilësinë e mësimit dhe të sigurojë një përgatitje të plotë për të gjithë maturantët, duke i ndihmuar ata të përballojnë me sukses sfidat e provimeve të Maturës Shtetërore.

Ftojmë të gjithë mësuesit dhe maturantët të shfrytëzojnë këto materiale në mënyrën më të mirë të mundshme, për përgatitjen e provimeve, në linkun e mëposhtëm: http://qsha.gov.al/msh.html /CNA 





Lajmet e fundit nga