web counter
LEXO PA REKLAMA!

SHKARKO APP

App Store
Google Play

E fundit!

x

Të dhënat e Censit do të publikohen në qershor

16 Janar 2024, 12:57, Aktualitet CNA
Të dhënat e Censit do të publikohen në qershor
Drejtoresha e INSTAT, Elsa Dhuli

Drejtoresha e INSTAT, Elsa Dhuli, në një konferencë për mediat lidhur me procesin e Censit, tha se në qershor do të publikohen të dhënat, ku do të jepen informacione lidhur me demografinë, ekonominë, arsimin apo shëndetësinë.

"Do jenë gati për publikim në qershor. Të dhënat do të përmbajnë informacione mbi demografinë, ekonominë, arsimin, shëndetësinë, duke ofruar statistika për grupet e përdorimit. Bazë e fortë për planifikimin e politikave publike dhe do të ndihmojnë në zhvillimin e programeve për lehtësimin e jetesës së qytetarëve", u shpreh Dhuli. 

Sipas Dhulit, ka pasur raste kur qytetarët kanë refuzuar të plotësojnë pyetësorin, por nuk konfirmoi për gjoba të vendosura pasi ende po analizohet procesi. 

“Një numër të saktë nuk mund ta them, kemi pasur raste të refuzimeve në nivele minimaliste. krahasuar me vitet e mëparshme janë të vogla pasi ka qenë fushatë ndërgjegjësimi e madhe. Madje, kemi pasur raste të shumta në numër ku qytetarët kërkonin të bëheshin pjesë. Lidhur me gjobat, duhet ta analizojmë procesin, pastaj mund të fillojmë me procese të mëtejshme”, tha Dhuli./CNA 





Lajmet e fundit nga