web counter
LEXO PA REKLAMA!

SHKARKO APP

App Store
Google Play

Adriatik Lapaj ironizon “Big Brother VIP”/ Nuk e meriton emrin "Reality Show"

15 Janar 2024, 21:16, Aktualitet CNA
Adriatik Lapaj ironizon “Big Brother VIP”/ Nuk e meriton emrin
Themeluesi i lëvizjes “Shqipëria Bëhet”, Adriatik Lapaj

Themeluesi i lëvizjes “Shqipëria Bëhet”, Adriatik Lapaj ka ironizuar mbrëmjen e sotme “Big Brother VIP”.

Me anë të një statusi në rrjetet sociale, ai thotë se “Big Brother VIP” nuk e meriton emrin “Reality Show” dhe tregon se sim und ta meritojë këtë emër.

Ai deklaron se VIP-at duhet të ndahen në rolet e invalidit, pensionisti, e një personi me ndihmë ekonomike, oligarkut dhe kryetarit për të parë efektet anësore.

“Doni të përjetoni plotësisht një reality show?

Futini VIP-at brenda një shtëpie dhe ndajini në role. Njëri të jetë në rolin e një invalidi dhe t'i jepen 8115 lekë në muaj KEMP. Një tjetër të jetë në rolin e një pensionisti në fshat dhe t'i jepni 8500 lekë pension. Një tjetër të jetë në rolin e një personi në ndihmë ekonomike dhe t'i jepen 4000 lekë në muaj. Një tjetër të jetë në rolin e një jetimi dhe t'i jepen 3000 lekë në muaj.

Aty brenda futeni dhe një që u bën karshillëk këtyre sipër në rolin e oligarkut, i cili ka një frigorifer në javë plot e përplot, mish e peshk sa herë do dhe cigare e kafe me shumicë.

E për ta përmbyllur, brenda shtëpisë vendosni dhe një kryetar. Kryetarit përveç rrogës mujore, jepini të drejtë të futë duart te buxheti dhe ushqimet e të gjithëve këtyre sipër.

Lërini nja 6 muaj ashtu dhe, kur të dalin, të shohim efektet anësore.

E kam fjalën që ta meritojë emrin "Reality Show".”, shkruan Lapaj./ CNA

Adriatik Lapaj ironizon “Big Brother VIP”/ Nuk e meriton emrin





Lajmet e fundit nga