web counter
LEXO PA REKLAMA!

SHKARKO APP

App Store
Google Play

Persona me precedentë penalë në “Big Brother VIP 3”

15 Janar 2024, 09:16, Aktualitet CNA
Persona me precedentë penalë në “Big Brother VIP 3”
Big Brother Vip Albania 3

“Big Brother”, një nga fenomenet më të rëndësishme mediatike në Shqipëri, një spektakël, i cili monitoron personazhe VIP për 24 orë, mesa duket nuk i ka shpëtuar syrit të mprehtë të policisë.

Një burim zyrtar nga Policia e Shtetit i tha CNA-së se persona me precedentë penalë janë, por edhe kanë qenë më parë, pjesë e këtij spektakli.

CNA u interesua pranë stafit të “Big Brother” dhe iu tha se ai është një spektakël i hapur, ku shumë individë për të shkuarën e tyre mbajnë përgjegjësi përpara ligjit dhe nuk pengohen të jenë pjesë e këtij “show”, megjithëse kanë kontrata specifike, të cilat detajojnë gjithçka në lidhje me rregullat strikte që ka ky “show”.

Burimi policor theksoi se edhe në “Big Brother”-in e kaluar, por dhe në këtë të tanishmin, ka persona të cilët kanë pasur probleme me ligjin, me çështje penale të ndryshme, rastet janë raste problematike, të cilat janë zgjidhur me vendime gjykatash.

CNA verifikoi disa nga emrat, për të mos ndërhyrë në këtë spektakël dhe për të mos ndikuar në atë çfarë pritet të ndodhë nuk po bën publike kush janë personat që kanë pasur problematika apo precedentë penalë.

Shumë nga këto detaje priten të mësohen ndoshta nga rrëfimet e vetë banorëve në vijim, ashtu siç ka ndodhur në spektaklet e kaluara ku shumë personazhe kanë rrëfyer për të shkuarën e tyre, problemet me ligjin, jetën, përplasjet që kanë pasur, ngritjet, rikthimet, apo siç ishte dhe eventi i vitit të kaluar ku Luiz Ejlli u kthye në një fenomen social, mediatik, në Shqipëri, mjaft i ndjekur edhe për shkak të së shkuarës së tij plot probleme.

CNA konfirmoi emrat, por siç e theksuam, nuk do të bëjmë asgjë publike, pasi besojmë që kjo nuk duhet të ndikojë në garën dhe në vetë emrat dhe personat, të cilët kanë hyrë në shtëpinë e “Big Brother VIP 3” për të garuar në këtë event mediatik në “Top Channel”./ CNA

 





Lajmet e fundit nga