LEXO PA REKLAMA!

SHKARKO APP

Gënjeshtra e Luizit dhe propaganda politike e televizionit të inceneratorëve

30 Prill 2023, 13:13, Aktualitet CNA
Gënjeshtra e Luizit dhe propaganda politike e televizionit të
Foto ilustruese

Luiz Ejlli, i famshmi i “Big Brother”-it, këngëtari që marrosi shqiptarët, është një personazh që vazhdon të luajë me publikun.

Dhe atje ku derdhen lot dhe të gjithë mendojnë se ai është më i sinqertë, ai gënjen më shumë se kurrë.

Kjo, jo për historitë e tij të dashurisë, por për historitë me fakte dhe dokumente dhe viktimizimin që bën gjatë gjithë kohës në “Big Brother”, duke e quajtur lojë momentin e sinqeritetit.

Në një rrëfim të tij, ai tha se kishte pasur një jetë të vështirë.

Njerëzit dëgjojnë gjysmë të vërtetat e tij, si gënjeshtrat që filloi në momentin që hyri në shtëpi, apo talljet dhe lojërat që vazhdon të bëjë.

Gjithsesi, personazhi është shumë i pëlqyer, por të vërtetat nuk janë asnjëherë ato gjysmë të vërteta apo gënjeshtra që artikulon Luiz Ejlli në “Big Brother”.

Në një dokument të siguruar nga CNA, tregon pse i është hequr licenca duke zbardhur një nga gënjeshtrat e tij. Licenca e noterit që ai pretendonte se i ishte hequr në një moment të vështirë dhe ai kishte ngelur në mes të katër rrugëve e më pas i ishte drejtuar të famshmit Benet Beci.

Sipas dokumentit, rezulton se Luiz Ejlli kishte 3 vite që e kishte braktisur detyrën deri në momentin e heqjes së licencës. Pra, nga maji i 2018-ës deri në mars të 2021-shit, Luiz Ejlli nuk është gjendur as nga Ministria e Drejtësisë, e as nuk figuronte se ku e kishte zyrën, zyrën e deklaruar e ka të mbyllur, nuk është gjendur as nga zyra vendore e noterëve në Tiranë, nuk kryen as veprime në Regjistrin Noterial, që do të thotë shqip, kishte braktisur detyrën. Pra, heqja e licencës së Luiz Ejllit ka qenë e vonuar.

Në momentin që ai thotë se ia hoqën paligjshmërisht, po patjetër. Ia kanë hequr me vonesë, pasi në rastin e braktisjes së detyrës së noterit deri në 60 ditë, licenca duhet hequr, kurse Luizit ia kanë hequr pas gati 3 vitesh. Dikush e ka toleruar më shumë sesa duhet dhe për këtë ka përgjegjësi ligjore.

Nga ana tjetër, gjatë gjithë kohës flitet për vite të vështira. Cilat janë vitet e vështira? Të jesh përfaqësues i ambasadës shqiptare në Paris është vështirësi? Të marrësh licencë noteri është vështirësi? Dhe këto të gjitha, një aktivitet i ushtruar deri në vitin 2018.

Gënjeshtra e Luizit dhe propaganda politike e televizionit të
Luiz Ejlli

Në rast se braktis detyrën, licenca hiqet. Në rast se punon në amabasadë dhe të mbaron mandati, shkon diku tjetër ose lirohesh nga ajo detyrë.

Një djalë me pasionin e këngëtarit mund të kishte bërë shumë më tepër në jetë, por tashmë ajo që ai po bën është të gënjejë publikun, të luajë, të thotë gjysmë të vërtetat e tij dhe fakti na tregon se edhe historia e heqjes së licencës së noterit dhe fitorja e madhe me një palë pinca që i dha Benet Beci janë edhe më të dhimbshme, sepse fatkeqësisht, ai që tashmë nuk mund të quhet një djalosh, por një burrë, po përdoret për politikë, po përdoret për fushatë, për propagandë, dhe, jo është përdorur, por është keqpërdorur.

Pa folur më tej se çfarë kanë përfituar financiarisht organizatorët që të nxjerrin këtë rrëfim në këtë moment, dy javë para datës së zgjedhjeve, ku Benet Beci është kandidat për Bashkinë e Shkodrës.

Gënjeshtra e Luizit dhe propaganda politike e televizionit të
Benet Beci, kandidati i PS-së në Shkodër

Pra, i gjithë morali i një fabule që nga gjysmë të vërtetat shkon te qokat politike, te reklamat, te propaganda, për të fituar zgjedhjet në Shkodër.

Pra, kemi një licencë të hequr sipas ligjit, por me shumë vonesë, pasi duhej të ishte hequr shumë përpara. Kemi një viktimizim dhe disa të pavërteta, siç është rasti i vështirësive në jetë kur deri në vitin 2018 ka pasur aktivitet diplomatik, përfaqësues i Shqipërisë në ambasadë, ka qenë noter me licencë, që është një profesion mjaft i preferuar, dhe detyrën e noterit e ka braktisur vetë.

Më pas, pasi u end rrugëve, gjeti shpëtim te pincat që i dha Benet Beci dhe tani është perandor i shqiptarëve me daljen në “Big Brother” që e filloi me gënjeshtra dhe e vazhdoi me lojën e tij mjaft të talentuar për ta bërë këtë të fundit.

Gënjeshtra e Luizit dhe propaganda politike e televizionit të
Luiz Ejlli

Ndoshta karantina “Big Brother” i bëri mirë për të reflektuar dhe mësuar, por keqpërdorimi për politikë dhe thënia e gjysmë të vërtetave kur ke pasur një autostradë të shtruar përpara të jetës me të gjitha të mirat e saj, dhe ke braktisur detyrat, siç është rasti i noterit, dhe më pas ke gjetur shpëtim te pincat e elektricistit, është një fabul e keqndërtuar, e përdorur politikisht duke bërë shpëtimtar Benet Becin për disa vota më shumë në Shkodër nga një produksion në “Top Channel”, që njihet për ortakërinë me kompanitë e inceneratorëve, me aferën e inceneratorëve, milionat e eurove që ka marrë nga të akuzuarit për aferën e inceneratorëve dhe keqpërdorimi që i bëhet Luiz Ejllit, duke përdorur apo keqpërdorur të vërtetat dhe gjysmë të vërtetat e tij.

Ai tashmë është një fenomen publik, është një individ që gëzon mbështetje dhe reputacion, mund të jetë dhe fitues i “Big Brother”, por e vërteta është një dhe jo dy.

E vërteta është se Luiz Ejlli në “BBV” ka luajtur, ka gënjyer, ka thënë gjysmë të vërtetat dhe produksioni ia përdor ato edhe për politikë në mbështje të kandidatit socialist për Shkodrën, Benet Beci./ CNA.al

 

Lajmet e fundit nga