LEXO PA REKLAMA!

SHKARKO APP

Pa pagesë/ Çështja “non grata”, Berisha angazhon ish-këshilltarin e George W. Bush të hetojë

30 Prill 2023, 08:43, Aktualitet CNA
Pa pagesë/ Çështja “non grata”, Berisha angazhon
Foto ilustruese

Ish-kryeministri Sali Berisha ka angazhuar Charlie Black, një ish-këshilltar për fushatat presidenciale të Ronald Reagan, George HW Bush, George W. Bush dhe John McCain, për të shqyrtuar çështjen e tij si “non grata” në SHBA.

Sipas "Politico", kompania amerikane “PRIME Policy Group” (PPG) do të ndjekë çështjen pa asnjë pagesë apo detyrim.

Në artikull theksohet se: “Berisha ka regjistruar Charlie Black të Prime Policy Group, një ish-këshilltar në fushatat presidenciale të Ronald Reagan, George H.W. Bush, George W. Bush dhe John McCain, për të përfaqësuar Berishën në Uashington”.

Black nënvizon se, shpallja "non grata" e Berishës në SHBA-ja është një vendim i gabuar.

“Ishte vendim 'i gabuar' për të sanksionuar Berishën dhe familjen e tij. Kongresi merr raporte të rregullta nga Departamenti i Shtetit për arsyet e shpalljes së një personi 'non grata'”, ka thënë ai.

Ndër të tjera, në artikull thuhet se Black ka në plan të bëjë presion ndaj anëtarëve të Komitetit të Punëve të Jashtme të Dhomës së Përfaqësuesve dhe Komisionit të Marrëdhënieve me Jashtë të Senatit për të hetuar nëse ka ndonjë lidhje midis marrëdhënieve të McGonigal në Shqipëri dhe administratës së Bidenit.

"Kjo për shkak se ish-kryeministri Berisha i mohon akuzat për korrupsion. Në deklaratat e tij ka akuzuar kryeministrin Edi Rama se ka ndërhyrë tek ish-agjenti i FBI-së McGonigal për të hapur një hetim për një amerikan për PD-në.

Kauza e Berishës ka zgjuar më parë interesin e republikanëve, ndaj dhe Black ka bërë me dije se ka në plan të bëjë presion ndaj anëtarëve të Komitetit të Punëve të Jashtme të Dhomës së Përfaqësuesve dhe Komisionit të Marrëdhënieve me Jashtë të Senatit për të hetuar nëse ka ndonjë lidhje midis marrëdhënieve të McGonigal në Shqipëri dhe administratës së Bidenit".

Në dokumente thuhet se marrëveshja për lobim është në periudhën 10 prill-9 tetor 2023./ CNA.al

 

Lajmet e fundit nga