web counter
LEXO PA REKLAMA!

SHKARKO APP

App Store
Google Play

E fundit!

x

Balluku inspekton punimet në kantierin e hekurudhës Tiranë-Durrës/ Zbulon detajet e projektit

27 Prill 2023, 14:48, Aktualitet CNA
Balluku inspekton punimet në kantierin e hekurudhës
Numri dy i qeverisë, Belinda Balluku

Numri dy i qeverisë, Belinda Balluku, së bashku me kreun e bashkisë, Erion Veliaj, kanë inspektuar punimet në kantierin e hekurudhës Tiranë-Durrës, nga ku po punohet me ritme të shpejta.

Balluku u shpreh se hekurudha Tiranë-Durrës mbështetet nga BE si një paketë e rëndësishme e një transporti efikas si për xhepin e qytetarëve ashtu dhe për ambientin.

Zëvendëskryeministrja theksoi se janë 39 kilometra hekurudhë për t'u ndërtuar, e cila kushton rreth 70 milionë euro, një fond i cili përbëhet nga dy blloqe ku 50 % janë grant i BE-së dhe 50 % janë kredi e butë nga Berzhi vetëm me 1% interes.

Ajo nënvizoi se më e rëndësishmja është se do të jetë një tren 100% elektrik.

“Ndodhemi në një nga stacionet më të rëndësishme të hekurudhës Tiranë-Durrës.

Kjo ka qenë ëndrra jonë e madhe gjithmonë kemi folur për pikën modale, e cila do të integronte të gjitha llojet e transportit që Tirana do të kishte dikur.

Sot ne po ia arrijmë kësaj dite.

Hekurudha Tiranë-Durrës mbështetet nga BE-ja si një paketë e rëndësishme e një transporti efikas si për xhepin e qytetarëve ashtu dhe për ambientin.

Kështu që kjo hekurudhë ka qenë fillimi i një pakete të rëndësishme që ne do të kemi si mbështetje nga BE-ja për Shqipërinë që vazhdon me Korridorin e 8-të me një nga projektet që ne kemi në vazhdim që është nga Vora deri në Han të Hotit.

Duhet thënë që kemi 39 kilometra hekururdhë për t'u ndërtuar, e cila kushton rreth 70 milionë euro me një fond, i cili përbëhet nga dy blloqe 50% janë grant i BE-së dhe 50% janë kredi e butë nga Berzhi vetëm me 1% interes. Kemi filluar punën me paketën e stacioneve. Do ketë stacione të reja. Do jetë një tren elektrik 100%”, tha Balluku./ CNA.al  





Lajmet e fundit nga