Miratohet programi i nxitjes së punësimit për të rinjtë/ Këto janë grupmoshat që përfitojnë

27 Prill 2023, 10:43, Aktualitet CNA

Miratohet programi i nxitjes së punësimit për të

Ministrja e Ekonomisë dhe Financave, Delina Ibrahimaj, ka bërë të ditur se në mbldhjen e ditës së enjte të Këshillit të Ministrave është miratuar vendimi për programet e nxitjes së punësimit.

Ibrahimaj ka njoftuar se ky projekt do të financohet nga qeveria dhe fondet e BE-së dhe do do t’u referohet grupmoshave nga 15-29 vjeç.

Projekti parashikon që të ofrojë çdo të riu i cili ka mbi 4 muaj papunë një kurs profesional, i cili do të zgjasë për 6 muaj apo një vend pune.

Në 3 muajt e parë të rinjtë që do t’i bashkohen këtij kursi ku do të paguhen me 80% të pagës minimale dhe me pas me 100% të pagës.

“Miratimi i projektvendimit për programet e nxitjes së punësimit që lidhen me skemën e garancisë rinore. Ne kemi folur gjatë gjithë këtij viti dhe vitit të kaluar për programin e garancisë rinore, i cili do t’i drejtohet aftësimit dhe punësimit të të gjithë të rinjve në Shqipëri në moshat 15-29 vjeç. Konkretisht, programi do t’i referohet kësaj grupmoshe e cila ka një papunësi më të lartë se papunësia e përgjithshme e vendit dhe do t’i drejtohet duke i ofruar çdo të riu, i cili ka të paktën 4 muaj pa një punë apo një program arsimimi, duke i ofruar programe të aftësimit nëpërmjet kurseve të formimit profesional apo një vend pune. I gjithë ky proces do të vijë i mbështetur nga fondet e buxhetit të shtetit në bashkëpunim me fondet e BE dhe çdo i ri që do të përfundojë një program të formimit profesional, për një hark kohor deri në 6 muaj, do t’i ofrohet një vend pune dhe ky vend pune do të paguhet për 3 muajt e parë me 80% të pagës minimale me një pagë të reduktuar dhe për 3 muajt e dytë, do të zgjasë 6 muaj, do të paguhet me 100% të pagës minimale”, tha ajo.

Ministrja shpjegoi se do të ketë rimbursim transporti për të gjithë ata të rinj që vendin e punës ose kursin e formimit profesional do e kanë më larg se 2 km nga shtëpia.

“Të gjitha bizneset që do të punësojnë një të ri të moshës 15-29 vjeç që janë pjesë e këtij programi, do të paguhet 20% e kohës e personit që do të merret me trajnimin e të rinjve dhe të rinjve do t’u paguhet edhe transporti, deri në masën 1600 lekë nëse banojnë më shumë se 2 km larg nga vendi i punës apo vendi i formimit profesional. Kjo është një politikë e cila shkon e gjitha në linjë me politikën që qeveria shqiptare po ndërmerr për të përmirësuar kushtet e tregut të punës, për të pasur një ofertë pune me cilësore, për të rritur pagat e të punësuarve, pra, për të rritur standardin e ofertës së punës në të gjithë vendin”, shtoi ministrja./CNA.al