E fundit!

10:44 Aktualitet CNA

Mbyllja e kapitujve të BE për arsimin dhe kërkimin shkencor, Kumbaro: Fryt i reformave

Shqipëria mbylli me sukses tre kapitujt e parë të Integrim...

Shifrat/ Mbi 400 mijë shqiptarë janë larguar nga vendi në një muaj, 19,2% më shumë se në 2022-shin

25 Prill 2023, 13:01, Aktualitet CNA

Shifrat/ Mbi 400 mijë shqiptarë janë larguar nga vendi në

Hyrjet e shtetasve shqiptarë dhe të huaj në territorin shqiptar, në muajin mars 2023, janë 846.645. Ky tregues rezulton me një rritje 33,8%, krahasuar me mars 2022. Daljet e shtetasve shqiptarë dhe të huaj nga territori i Shqipërisë, gjatë muajit mars 2023, janë 842.428, duke shënuar një rritje me 22,3%, krahasuar me të njëjtën periudhë të një viti më parë.

Hyrjet e shtetasve

Në mars 2023, numri i shtetasve shqiptarë që kanë hyrë në territorin shqiptar është 462.617. Ky numër është rritur me 29,6%, krahasuar me mars 2022. Numri i shtetasve të huaj që kanë hyrë në territorin shqiptar është 384.028. Ky numër është rritur me 39,2%, krahasuar me mars 2022. Gjatë tremujorit të parë 2023, numri i shtetasve të huaj që kanë hyrë në territorin shqiptar është 1.070.564. Ky numër është rritur me 59,5%, krahasuar me të njëjtën periudhë të vitit 2022.

Daljet e shtetasve

Daljet e shtetasve shqiptarë nga territori i Shqipërisë, gjatë muajit mars 2023 janë 462.483. Krahasuar me mars 2022, ky tregues është rritur me 19,2%. Daljet e shtetasve të huaj nga territori i Shqipërisë gjatë muajit mars 2023, janë 379.945. Krahasuar me mars 2022, ky tregues është rritur me 26,2%. Numri i shtetasve shqiptarë të dalë nga territori i Shqipërisë gjatë tremujorit të parë 2023, është 1.394.250, duke u rritur 32,3%, krahasuar me të njëjtën periudhë të një viti më parë.

Në mars 2023, rajoni me numrin më të lartë të hyrjeve të shtetasve të huaj në Shqipëri është rajoni i Evropës me 369.935 shtetas, pasuar nga Amerika dhe Azia Lindore /Paqësori, përkatësisht me 8.952 dhe 2.183 shtetas.

Në mars 2023, krahasuar me mars 2022, hyrjet e shtetasve të huaj janë rritur:

për qëllime personale me 39,9%;

për qëllime pushimesh, vizitë te të afërm, etj. me 38,9%;

për biznes dhe qëllime profesionale me 20,4%./ Instat