LEXO PA REKLAMA!

SHKARKO APP

E fundit!

x

108 vjetori i genocidit armen/ Organizohet aktivitet në Tiranë, në përkujtim të viktimave

22 Prill 2023, 10:38, Aktualitet CNA

108 vjetori i genocidit armen/ Organizohet aktivitet në Tiranë,

24 prilli shënon 108 vjetorin e gjenocidit armen, i cili është njohur edhe si një holokaust.

Sot, dy ditë nga shënjimi i 108 vjetorit të këtij gjenocidi, shoqata “Miqësia Armeno-Shqiptare” po zhvillon një aktivitet në ambientet e Sar'Otel në Tiranë.

Aktiviteti ka si qëllim përkujtimin e paraardhësve dhe të afërmve që humbën jetën gjatë qeverisjes së qeverisë së Xhonturqve.

108 vjetori i genocidit armen/ Organizohet aktivitet në Tiranë,

Në Shqipëri jeton një komunitet i gjerë armen, të cilët janë pjesë e rëndësishme e zhvillimeve ekonomike e sociale të vendit, kontribues në shumë fusha që nga arsimi, kultura, shkenca, etj.

108 vjetori i genocidit armen/ Organizohet aktivitet në Tiranë,

Si ndodhi gjenocidi armen

Gjenocidi filloi më 24 prill të 1915-ës dhe përkon me ditën kur autoritetet osmane arrestuan dhe dëbuan nga Kostandinopoja rreth 270 intelektualë armenë dhe drejtues të komunitetit, të cilët më pas u ekzekutuan.

Gjenocidi u realizua gjatë dhe pas Luftës së Parë Botërore dhe zgjati nga 1915-ta deri në 1923. Gjatë kësaj peridhe pati shfarosje sistematike masive dhe dëbim të më shumë se 1.5 milionë armenë etnikë, brenda Perandorisë Osmane. Ata u privuan nga ushqimi dhe uji dhe iu nënshtruan grabitjeve, përdhunimeve dhe masakrave periodike.

108 vjetori i genocidit armen/ Organizohet aktivitet në Tiranë,

Gjenocidi armen është një çështje që krijon debat edhe sot. Shumica e armenëve, intelektualëve perëndimorë, si dhe disa turq besojnë se vrasja e armenëve ishte rezultat i një plani shtetëror për çrrënjosje masive, por disa të tjerë mendojnë se armenët humbën jetën nga konfliktet, uria dhe sëmundja.

Edhe sot nuk ka një numër të saktë për humbjet e jetëve, por shifra e viktimave shkon nga 200,000 deri në 1.8 milionë armenë.

Turqia mohon që fjala gjenocid është një term i saktë për këto krime, por vitet e fundit i është kërkuar që ta njohë si të tillë. Që nga viti 2019, qeveritë dhe parlamentet e 31 vendeve, përfshirë Brazilin, Kanadanë, Francën, Gjermaninë, Italinë dhe Rusinë, si dhe 49 nga 50 shtetet e Shteteve të Bashkuara i kanë njohur ngjarjet si një gjenocid./ CNA.al

Lajmet e fundit nga