Shpifjet ndaj Këlliçit për shkollimin/ Xhaferri: “KÇK"-të po përpiqen të ndalin ndryshimin

24 Prill 2023, 12:20, Aktualitet CNA

Shpifjet ndaj Këlliçit për shkollimin/ Xhaferri:

Kryetari i FRPD-së, Besart Xhaferri, ka reaguar pas shpifjeve që po qarkullojnë në media mbi shkollimin e kandidatit të koalicionit “Bashkë Fitojmë”, Belind Këlliçi.

Në reagimin e tij në rrjetet sociale, Xhaferri shkruan se Këlliçi është pranuar konform të gjitha rregullave dhe ligjit në Amerikë, ku ka marrë bursë të plotë akademike dhe sportive për 4 vjet.

Të gjitha përpjekjet dhe baltosjen ndaj Këlliçit i ka konsideruar si një pengesë për të kërkuar ndryshimin.

“Si ka mundësi që një student pa Maturën Shtetërore të dalë studenti me mesataren më të lartë në Amerikë?

Mirë që 'falsifikoi' hyrjen, paska falsifikuar dhe 4 vite rezultate?

Si ka mundësi që mijëra shqiptarë të tjerë pa mbaruar këtë Maturë kaq të rëndësishme janë pranuar në universitetet më të mira të botës?

E para, sepse kjo Maturë nuk ka mjaftuar kurrë për t'u pranuar në Universitete jashtë Shqipërisë!

E dyta, sepse universitetet vendosin standardet e tyre me provime ekstra për të pranuar studentët!

E treta, kush nuk ka plotësuar 12 vite edukim, bën një vit ekstra për ta plotësuar, e kush i ka bërë, mjafton të kalojë provimet ekstra, si në rastin e Belindit!

Një furtunë dezinformimi e cila nuk arriti dot të merrte formën e duhur në 2021 kur gjithë Ministria e Arsimit vërshoi drejt 'Harry Fultz' pas një informacioni nga një ish-shok shkolle i Belindit, i cili nga xhelozia tipike e të pazotit kishte dhënë informacion të rremë se shkolla kishte dhënë diplomë të falsifikuar!

Pasi dështuan të gjejnë një gabim procedural, vendosën në 2023 të krijojnë një fletë-rrufe dixhitale me shpresën se diçka do ngelë në mendjen e votuesve! Tipike një KÇK e gënjeshtrës mediatike që ndihmon falangat e pushtetit për të ndaluar ndryshimin!

Qytetarë të dashur!

Belindi është pranuar konform të gjitha rregullave dhe ligjit në Amerikë!

Jo vetëm kaq, por ka marrë bursë të plotë akademike dhe sportive për 4 vjet!

Jo vetëm kaq, por ka shkëlqyer dhe ka mbaruar si studenti më i mirë!

Jo vetëm kaq, por është kthyer në Shqipëri të nesërmen e provimit të fundit në universitet!

Për të jetuar në Tiranë!

Për të kontribuar në vendlindjen e tij!

Pas 14 majit, për të qenë kryebashkiaku që do çlirojë këtë qytet nga mafia Mjaftiste!”, shkruan Xhaferri në reagimin e tij./ CNA.al