LEXO PA REKLAMA!

SHKARKO APP

Kushtetuesja shtyn sërish vendimin për VKM-të e ndërtimeve pa leje/ Bardhi i “drejton gishtin” Ramës

26 Prill 2023, 11:09, Aktualitet CNA
Kushtetuesja shtyn sërish vendimin për VKM-të e ndërtimeve
Deputeti Gazment Bardhi

Gjykata Kushtetuese ka shtyrë sërish seancën për shqyrtimin e padisë së Partisë Demokratike për VKM për aksionet për ndërtimet pa leje.

Kushtetuesja ka kërkuar një autorizim me firmë të 28 deputetëve që kanë firmosur kërkesën për palën që do t’i përfaqësojë.

Pas shtyrjes së seancës pati dhe një reagim nga deputeti i PD-së, Gazmend Bardhi, i cili e ka cilësuar si absurd një vendim të tillë pasi sipas tij është në kundërshtim me praktikën 32-vjeçare.

Ndër të tjera shton se ky është një shantazh i kryeministri Edi Rama.

Shantazhi me tëitter i z. Rama ka mbërritur në Gjykatën Kushtetuese. Një pjesë e këtyre e kanë marrë qartë mesazhin e Kryeministrit lidhur me këtë çështje. Kjo është e rëndë. Nuk ka ndodhur kurrë që një Gjykatë Kushtetuese të marrë mesazhe të tilla mafioze.

Kjo është edhe arsyeja pse herë pas herë vendos standarde të tjera.  Nëse janë të shantazhuar të na e bëjnë me dijë që të mos harxhojmë ne kohë ndërkohë që vendim i merr Kryeministri dhe oligarkët.  Ka një shantazh të drejtpërdrejtë të Edi Ramës dhe kjo gjë ndodh.

Kjo është hera e parë që ndodh. Ka një praktikë 32-vjeçare. Gjithmonë jemi përfaqësuar me firmën e kryetarit të grupit ose në mungesë të tij nga nënkryetari i grupit. Edhe znj. Kokona vjen këtu si përfaqësuese e Këshillit të Ministrave me një firmë të Kryeministrit dhe jo me Vendim  të Këshillit të Ministrave. Ne s’e kemi ngritur si pretendim sepse ka qenë kjo praktika 32-vjeçare”, tha Bardhi./ CNA.al

Lajmet e fundit nga