web counter
LEXO PA REKLAMA!

SHKARKO APP

App Store
Google Play

E fundit!

x

Begaj, takim me presidentin kroat/ Koha për një linjë ajrore direkte mes dy vendeve

27 Prill 2023, 12:16, Aktualitet CNA

Begaj, takim me presidentin kroat/ Koha për një linjë ajrore

Presidenti Bajram Begaj ndodhet në një vizitë shtetërore në Kroaci, ku është pritur në një ceremoni nga homologu i tij, Zoran Milanoviç.

Begaj në një konferencë të përbashkët me Milanoviç ka theksuar se marrëdheniet mes Kroacisë dje Shqipërisë janë në ditët e tyre më të mira dhe se investimet kroate në vendin tonë janë të mirëpritura.

Më tej, Begaj theksoi se ka ardhur momenti që të ketë një linjë ajrore direkte mes dy vendeve apo një ndërlidhje mes porteve.

“Më lejoni që në këtë konferencë të falënderoj mikpritësin dhe mikun tim, presidentin e Kroacisë, për pritjen e përzemërt. Kjo është vizita e dytë imja si president jashtë vendit, pas asaj të Kosovës. Fokusi ishte forcimi i bashkëpunimit, axhenda e integrimit evropian si edhe zhvillimet rajonale. Marrëdhëniet shqiptare kroate janë në ditën më të mirë falë marrëdhënieve të shkëlqyera historike mes dy vendeve. Ata kanë në themel të tyre prioritetet e politikës së jashtme të dy vendeve. Në këto tri dekada kemi krijuar një kapital që është mjaft i mirë i bashkëpunimi ekonomik, diplomatik e politik. Ndamë bindjen se pavarësisht nivelit të shkëlqyer të marrëdhënieve dypalëshe se marrëdhënieve tregtare, ende mbetet shumë për të bërë në bashkëpunim ekonomik mes dy vendeve. Vlerësova se në këtë drejtim duhet të bëjmë më shumë. Investimet kroate janë të mirëpritura, veçanërisht në fushën e turizmit dhe energjisë, por edhe në fusha të tjera, si infrastruktura, bujqësisë. Për një ndërlidhje më të mirë mes dy vendeve në ndikim drejtpërdrejtë të turizmit ka ardhur koha që të ketë linjë ajrore direkte mes dy vendeve, apo ndërlidhje mes porteve të të dyja vendeve”, tha ai./CNA.al

 

 

 





Lajmet e fundit nga