LEXO PA REKLAMA!

SHKARKO APP

12 orë në dëshmi/ Largohet nga ambientet e SPAK, Aishe Haklaj

28 Prill 2023, 19:55, Aktualitet CNA
12 orë në dëshmi/ Largohet nga ambientet e SPAK, Aishe Haklaj
Motra e madhe e familjes Haklaj, Aishe Haklaj

Motra e madhe e familjes Haklaj, Aishe Haklaj, ka dëshmuar sot për plot 12 orë në SPAK.

Vetëm pak minuta më parë ajo u largua nga ambientet e Prokurorisë së Posaçme Kundër Korrupsionit dhe Krimit të Organizuar, ku ka shkuar që prej orës 8 të mëngjesit.

Aishe Haklaj nuk pranoi të japë detaje nga ato që kanë ndodhur brenda dyerve të SPAK. E pyetur nga mediat, ajo u shpreh se nuk mund të nxjerrë sekrete të hetimit, por deklaroi se ka besim te drejtësia.

“Me gjithë respektin e madh për mediat që keni kryer detyrën tuaj dhe keni qenë pushteti i vetëm të cilët kemi mundur t’i drejtohemi deri tani. Besimi ynë është ende në SPAK dhe GJKKO.  Nuk mund të them më shumë sepse edhe sekretet edhe gjithçka duhet të ruhet. Ne kemi këtu njeriun e besuar të familjes, avokatin Idajet Beqiri që ndoshta do t’ju japë më shumë”, theksoi motra e madhe e familjes Haklaj.

Ndërkohë, raportohet se Aishe Haklaj u pyet lidhur me denoncimin që ka bërë në SPAK në korrik të 2021-shit, ku akuzon ish-kryeministrin Sali Berisha për vrasjen e 4 vëllezërve të saj, Halil, Shkëlqim, Fatmir dhe Ylli Haklaj./ CNA.al

 

Lajmet e fundit nga