LEXO PA REKLAMA!

SHKARKO APP

Dalin fotot e hotelit me 5 yje në Korçë/ Standardet më të larta dhe atraksion turistik

29 Prill 2023, 11:07, Aktualitet CNA
Dalin fotot e hotelit me 5 yje në Korçë/ Standardet më
Projekti i hotelit me 5 yje në Korçë

Një tjetër investim strategjik pritet t’i shtohet qytetit juglindor të qytetit të Korçës.

“Green House Korça Resort”, një resort me 5 yje, i standardeve më të larta europiane, do të ndërtohet në një nga zonat më tërheqëse të Korçës.

Hoteli do të ketë 94 dhoma dhe do të përfshijë një sipërfaqe prej 10,000 m2. Përveçse do të sjellë më shumë gjallëri, resorti do të rrisë edhe punësimin në qytetin e serenatave.

Ky investim do të bëhet nga një investitor strategjik, projekt i përfituar nga statusi i dhënë nga Komiteti i Investimeve Strategjike (KIS).

“Projekti zë një sipërfaqe totale prej 10,000 m², në Zonën Kadastrale 8561, me numër pasurie 1/911 dhe përfshihet në Zonën me Përparësi Zhvillimin e Turizmit (ZPZT), miratuar me Vendimin e Këshillit Kombëtar të Territorit nr. 1, datë 26.07.2018 “Për shpalljen e 17 Zonave me Përparësi Zhvillimin e Turizmit në territorin e Republikës së Shqipërisë”, i ndryshuar.

Dalin fotot e hotelit me 5 yje në Korçë/ Standardet më
Projekti i hotelit me 5 yje në Korçë

Pasuria e paluajtshme me sipërfaqe prej 10,000 m2, e llojit “truall” ka kaluar në administrim të Ministrisë së Turizmit dhe Mjedisit (MTM) me VKM Nr. 301, datë 19.5.2021 “Për kalimin në përgjegjësi administrimi të Ministrisë së Turizmit dhe Mjedisit, të pronës së paluajtshme, me sipërfaqe prej 10 000 m2, e llojit truall, ndodhur në zonën kadastrale 8561, me numër pasurie 1/911, në pronësi të Bashkisë Korçë”, thuhet në vendimin e publikuar nga Agjencia Shqiptare e Zhvillimit të Investimeve.

I njëjti vendim nënvizon se vlera e investimit të projektit “Green House Korça Resort” i plotëson kriteret e parashikuara nga legjislacioni për investimet strategjike dhe parashikohet të jetë 18,1 milionë euro dhe do të punësojë 94 persona.

Ndërtimi i këtij hoteli do t’i shtojë Korçës edhe më shumë turistë, jo vetëm gjatë fundjavave, por edhe në ditët e tjera të javës./ CNA.al

Lajmet e fundit nga