web counter
LEXO PA REKLAMA!

SHKARKO APP

App Store
Google Play

E fundit!

x

Dokumenti/ Pse iu hoq licenca e noterit, Luiz Ejllit

30 Prill 2023, 11:49, Aktualitet CNA
Dokumenti/ Pse iu hoq licenca e noterit, Luiz Ejllit
Luiz Ejlli

Këngëtari Luiz Ejlli, i kthyer në një personazh të madh publik pas futjes së tij në eksperimentin social të “Big Brother”, dje ka bërë një rrëfim “live” në “Top Channel”.

Ai ka rrëfyer jetën e tij në pak fjalë, ku një nga faktet që përmendi ishte edhe heqja e licencës së noterit, që, sipas këngëtarit, ishte një ditë e vështirë për të dhe në deklarimin e tij thotë se justifikimi i heqjes së licencës ishte me pretendimin se ishte e paligjshme e të tjera si këto.

Si gjithmonë në “Big Brother” viktimizohet, tregon jo të vërteta, por gjysmë të vërteta, por në shumë raste edhe gënjen në emër të “lojës”.

Dokumenti/ Pse iu hoq licenca e noterit, Luiz Ejllit
Luiz Ejlli

Sipas një dokumenti prej 5 faqesh, të siguruar nga CNA, i cili mban firmën e ish-ministres së Drejtësisë, Etilda Gjonaj, mësojmë faktin pse i është hequr licenca dhe si qëndron e vërteta e Luiz Ejllit.

Luiz Ejlli ishte pajisur me licencë noteri dhe sipas dokumentit licenca i është hequr sepse ai nuk ushtronte aktivitetin dhe nuk gjendej në zyrë, pra nuk hapte zyrën.

Gjithçka është konfirmuar në disa rrugë, nga posta, nga inspektimi i Ministrisë së Drejtësisë, nga bashkëpunimi me Zyrën Vendore të Noterëve në Tiranë e kështu me radhë.

Pra, Luiz Ejllit nuk i është hequr licenca e noterit për arsye politike apo për ndonjë arsye tjetër se ishte shumë i zoti.

Në fakt, licenca i është hequr, sepse nuk punonte, nuk ushtronte aktivitetin, sipas të dhënave në QKB, rezulton edhe se aktiviteti i tij ishte i hapur në vitin 2020, por sipas regjistrit të noterëve ku mblidhen, regjistrohen të gjitha aktet noteriale, Luiz Ejlli nuk ushtronte aktivitetin e tij nga maji i vitit 2018.

Ndërsa licenca i është hequr në mars të vitit 2021.

Dokumenti/ Pse iu hoq licenca e noterit, Luiz Ejllit

Dokumenti/ Pse iu hoq licenca e noterit, Luiz Ejllit

Dokumenti/ Pse iu hoq licenca e noterit, Luiz Ejllit

Dokumenti/ Pse iu hoq licenca e noterit, Luiz Ejllit

Dokumenti/ Pse iu hoq licenca e noterit, Luiz Ejllit

Ministria e Drejtësisë në fakt ka vonuar shumë për heqjen e licencës së Luiz Ejllit dhe nuk dihet arsyeja pse ka zgjatur gati 3 vite ky proces.

Më tepër se çdo rast tjetër pasi ligji i noterisë e ka të përcaktuar qartë në rast se për 60 ditë nuk e ushtron aktivitetin licenca hiqet.

Luiz Ejlli gënjeu publikisht dje, në “Top Channel” për licencën e tij të noterit, sepse atij nuk i është hequr licenca politikisht apo në mënyrë të gabuar apo me tendencë.

Atij i është hequr licenca pasi e kishte braktisur detyrën e noterit.

Është fakt i vërtetuar nga kontrolle dhe inspektime se Luiz Ejlli kishte gati tri vite që nuk ushtronte detyrën e noterit deri në momentin që ministrja Etilda Gjonaj ka firmosur heqjen e licencës së Luizit.

Dokumenti/ Pse iu hoq licenca e noterit, Luiz Ejllit
Etlida Gjonaj, ish ministre e Drejtësisë

Nuk kemi të bëjmë me një rast që duhet lexuar politikisht apo një padrejtësie të bërë ndaj Luizit. Në fakt është vetë Luiz Ejlli që ka braktisur detyrën, licencën që kishe marrë, si shumë braktisje të tilla të tjera që ka bërë në jetë.

Ai tashmë është një personazh shumë i dashur për publikun, por njerëzit kanë dëgjuar vetëm versionin e tij dhe shumica e besojnë versionin e tij, me viktimizimet, me gjysmë të vërtetat, por dokumentet zyrtare na tregojnë se Luiz Ejlli nuk është një individ që ndaj tij ka pasur një “persekutim” apo vendime të padrejta nga shteti shqiptar apo qeveria, përkundrazi ka qenë i pajisur me licencë noteri, e ka mbajtur shumë gjatë dhe më pas e ka braktisur detyrën e tij si noter publik.

Dokumentet tregojnë se çfarë ka ndodhur me historinë që tregoi Luiz Ejlli në “Big Brother” dhe faktet pse ai kishte braktisur detyrën. Pra, licenca nuk i është hequr për një padrejtësi, por për shkak se Luizi nuk zbatonte detyrën për të cilën ai ishte pajisur me licencë./ CNA.al

 





Lajmet e fundit nga