web counter
LEXO PA REKLAMA!

SHKARKO APP

App Store
Google Play

Ambasada amerikane përgënjeshtron Lul gjumashin

16 Janar 2024, 12:27, Aktualitet CNA
Ambasada amerikane përgënjeshtron Lul gjumashin
Lulzim Basha

Ambasada amerikane në Tiranë, në një prononcim për mediat, foli mbi mundësinë e ndërmjetësimit të selisë diplomatike në tejkalimin e krizës në komisionin e posaçëm parlamentar për Reformën Zgjedhore.

Në përgjigje thuhet se zyrtarët e ambasadës do të vijojnë të takohen rregullisht me kryetarët, bashkëkryetarët dhe anëtarët e komisioneve të ndryshme parlamentare, përfshirë Komisionin e Posaçëm për Reformën Zgjedhore, duke nënvizuar se takimet nuk janë pjesë e ndonjë ndërmjetësimi.

Pra, ambasada thekon se nuk ka bërë ndonjë ndërmjetësim mes palëve politike shqiptare për Reformën Zgjedhore. 

“Si pjesë e angazhimit tonë normal diplomatik me anëtarë të parlamentit, ambasada e SHBA takohet rregullisht me kryetarë, bashkëkryetarë dhe anëtarë të komisioneve të ndryshme parlamentare, përfshi Komisionin për Reformën Zgjedhore. Takimet nuk janë pjesë e ndonjë ndërmjetësimi. Interesi ynë mbetet për qeverisje të efektshme dhe përfaqësuese për të zbatuar rekomandimet e ODIHR-it dhe mirëpresim idetë e të gjitha partive të përgjegjshme për këtë qëllim”, nënvizon zyra e shtypit e ambasadës amerikane.

Me këtë deklaratë ambasada amerikane përgënjeshtron Lulzim Bashën, i cili një ditë më parë, pas seancës së Kuvendit, theksoi se në bashkëpunim me faktorin ndërkombëtar, partnerët strategjikë të Shqipërisë, ka bindur PS-në që të arrijë dakorësinë me Enkelejd Alibeajn (bashkëkryetar i Reformës Zgjedhore) për Reformën Zgjedhore.

"Në bashkëpunim me faktorin ndërkombëtar, përfaqësues të cilin dëshiroj ta falënderoj, ia kemi dalë të marrim një hap të parë modest sa i takon prioritetit kryesor për largimin e papërgjegjshmërisë politike nga skena politike, përmed Reformës Zgjedhore. Të paktën për momentin duket se në bashkëpunim me aleatët strategjikë të Shqipërisë, Partia Demokratike, si udhëheqëse e këtij procesi, ia ka dalë që të bindë palën tjetër të nisin punën mbi Komisionin e Reformës Zgjedhore", është shprehur Basha./CNA 

 

 





Lajmet e fundit nga